تركي البادي

الله و اكبر تطـوّرت و كبـر مستـواك
واصبحت شاعر كبيـر وناقـد الله لنـا
العـام كنّـا نمـرّك مـا نسلّـم عـلاك
ولا اذكر انك تشرّفت و جلسـت إمْعَنـا
واليوم ماعاد باقـي غيـر نطـرد وراك
ونقـول لازم تقهـوا القابلـه عنـدنـا
وانت الحقيقـه فقيـر وفارغـاتٍ يـداك
ولا لك مع اهل الوفا و الطيب سيف و قنا
اشوف صار الك ماشاء الله نظام اشتراك
في بثّ الاعلام مع نوره و نوف و رنـا
رزّوك واصبحت رومنسي و حلو ٍ نبـاك
وعنّيت عنـدك جماهيـرك ياليـل العنـا
وانكرت ابوك وجماعتك و جميع اخوياك
آثرك ضنوة خسـاره نعنبـو ذا الضنـا
ان كان غرّك قصيـدك بيـن هـذا وذاك
اللي بنا ما هدم و اللـي هـدم مـا بنـا
ترى قصيدك وصنفه مثل صنف البـلاك
نوعه محرّم وحكمـه مثـل حكـم الزنـا
يعني على شان ما ازعلّك واقلـع مـداك
مافيـه داعـي تخرّبهـا و تبلـش بنـا
انـا ترانـي هـذا لا تحسبنـي هـذاك
هـذاك ماهـوب انـا والله وهـذاه انـا
مدري تبانـي هنـا والا تبانـي هنـاك
والا تباني علـى شانـك هنـاك و هنـا
ان كان في نفسك انك شاعـرٍ ماسـواك
تـراك لا شـيّ بالنسبـه لـنـا كلّـنـا
من غّرته نفسه ودنيـاه شـاف الهـلاك
يابـن آدم اخـر حياتـك كلهـا للفـنـا
ان كان حققت مطلوبـك و غايـة منـاك
لا بد تثنـي علـى ربّـك جزيـل الثنـا
مار اشكر الواحد المعطي على ماعطـاك
تراك عـن ربـك المعبـود مالـك غنـا



الله اكبر الله اكبر


يا زين الليله اللي اقرا لك فيها يا جديد اي والله


رحيّم والله مدري وش اقول على الابداع هذا

لكن سلم لي عليك وحب لي خشمك

وصح لسانك ملايين يا مهنـــدس ولاهنت

====