..

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] اسدل ستار المسرحيه مابقي فيها جدال"=" مليت هالتكرار والسيناريو قلب وضمير

مليت عمري راح كله نزف صبر وطول بال"=" مثل العمى اللي من كبر قلبه بيقتاد البصير

انا بقفّي وانت قفّ ولاتناديني تعال"=" بسكات فينا مانشمّت لاصغير ولاكبير

عندي خبر وانا اعرف ان الحظ لامن مال مال"=" وانك جهلت اكثر من اللي تعرفه عني كثير

ماعلموك ان فيه شي يقال وآخر مايقال"=" ولاكل شي[ن] ينخلق الا ويخلق له نظير

وانا صغيرّ جدي ليااخطيت اخذني العقال"=" ولاانت تربياتك غير وتربية صاحبك غير

كم لي وانا اقرّب محاولتي لباب الاحتمال"=" واعلّق آخر مارسمته عنك في عنق المصير

هي قصةٍ جاهدت فيها لينهي صارت نضال"=" غديت فيها بين هل يمكن .. ولايمكن يصير!

حاولت كم حاولت اغيرّ بك ولو بعض الخصال"=" وآثرك منتب شايفٍ عوجت رقبتك يالبعير

ماهي بطول الصوت طول الصوت ماهد الجبال"=" وانته تعرف [ان انكر الاصوات لصوت الحمير]

تزلّ واتحمّل وزلاتك تجي دايم ثقال"=" وانا ليامن جيت اعاتب .. قلت هات من الاخير !

وصرت اتمنّى ينتهي هالهرج ويقلّ الجدال"=" وهالمسرحيه تنتهي فالفصل الاول والاخير[/POEM]