[POEM="font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]إلا ذعذع الغربي وريح الغوالي هبّ=يحرّك حطب قلبي لياهبّ وإيشبّه
شبوب الوقايد بين عوج الضّلوع إتشبّ=وتلعب بقلبٍ طاري الحبّ يلعبّه
وقامت هواجيسي تصبّ الفرايد صبّ=وتقرى شقى وجه المشقّى وتكتبّه
قصيد النّبط وإلا الحداثه تكبّه كبّ=تجنّب خثاريد المهابيل وإتكبّه
ألا ياوجودي وجد من جاته أمّ إركبّ=يحاول يقوم وعجزت إتشلّه إركبّه
على طيف من حبّه خطا فالضمير ودبّ=عشيقٍ على عشّاقه إيدوّر السبّه
يقولون:خلّك كان عذّبكْ سبّه سبّ=عشان إيتسنّع كلّ ماعذّبك..سبّه!!
وأنا أقول:مقدر والله إنّي أحبّه حبّ=علي نذر محدٍ من هل الحبّ قد حبّه!!
ألا يالله إنّك تكتب إمواجهه ياربّ=تقرّب دياره كلّ ماجيت بنبّه
أنا حالف إنّي كلّ مانبّ داره نبّ=تعشّيت رمّانه وقهواني إعنبّه
صحيح إنّ: من حبّ إيتوهقّ وماله طبّ=يكود إنّه إيواجه على طول من حبّه!![/POEM]