عبدالله بن قنيص

حط عينـك بعينـي يـا لذيـذ النعـاس
وَطهـا لا تفيـح وغَطهـا لا تسـيـح
ان كتبنـا ملينـا كـل قـوس اقتبـاس
وان قرينـا يزعلنـا الكـلام الصريـح
اثر عمـر الدقيقـه بالثوانـي يقـاس
وصاحب الحاجه اللي ما تجي في قريـح
والذهب من عياره فيه نسبـة نحـاس
صافي الصوغ ليّن يـا يديـن المليـح
امش حافي بوادي كـل نبتـه هـراس
ولا تعتب برجلك عنـد بـاب الشحيـح
القصيـده تهـوّل والعطيـه طـفـاس
ناس تبغى تعيش ونـاس تبغـى مديـح
لا تـزوج فلانـه كونهـا بنـت نـاس
يمكن البنـت تطلـع ذات وجـهٍ قبيـح
مثل منقاً تدلـى فـي خيـار الغـراس
ريحها ريح شيح ودربها شـوك شيـح
بأيش تفرق تداول عن جماع البسـاس
فوق بسٍ يصيح وتحـت بـسٍ يصيـح
دام مع كل شايب ما يدانـي الحسـاس
بنت لا قام يرقـص تسنـده لا يطيـح
رح لها في الكرسمس جب لها قرط ماس
س: ويش الكرسمس؟ ج: عيد المسيـح
وقل لجسمك يشغل كل خمس الحـواس
لين ترتـاح دنيـاً مـا بهـا مستريـح
راحت البال ولّت مـع سنيـن اليبـاس
ودمعت العين حلّت فـي مكـانٍ مريـح
حايره في جفونـي تحتـري هـز راس
حولت من عيوني بـس عيـت تطيـح


مرحبا بالشعر واهل الشعر

حرفنه وتمكن وابداااع عالي المستوى لله درك يابو عمااار

ياخوي لاعاد تبطي الله يرحم والديك

!!

.
.