يالله يا محيي البسيطـة مـن الـرش
اليـا علّهـا وبـل السحـاب المنشّـي
ياخذ ثمـان ليـال والسيـل مـا نـش
حتـى يزيـن بمملكتـنـا التمـشّـي
الله مـن شـيٍ يحـش الحشـا حـش
كـنّ النشيـط يقالـبـه بالمحـشّـي
واعزتـي للـي دخـل جوفـه الغـش
ولو قيـل طيّـب يعـرَف المستغشّـي
أشوف لي دابٍ علـى المجتمـع خـش
ولـو اتفقنـا مـا لقـى لـه مخشّـي
دابٍ خطيـر أسـود يخـوّف اليـا وش
و سم الحنش بيـن الشبـاب متفشّـي
دابٍ تلـحّـف فالشـبـاب وتـفـرش
متـغـديٍ فالمجتـمـع ومتـعـشّـي
ومن ذاق سم الـداب يـروح فاللنـش
في ليـل وأمـواج وسحـابٍ يرشّـي
الله على مـن يمنـع الـداب ويطـش
على اليهود أعـداء الشريعـة يطشّـي
وبعض المصايب شاهدوها على الـدش
تبثّهـا الأقمـار فـي كــل دشّــي
وخوفي على اللي ساع طاروا من العش
ووآل أمرهـم مثـل البعيـر المعشّـي
وجه الكريم ان شاف راع الوفـا بـش
ووجـه البخيـل تقابلـه مـا يبشّـي
تمكن يندر مثيله , وشاعرية متدفقة , ونصح وحكمة
تأخذها طريقة إلى القلوب مباشرة .
هكذا هم الكبار لايأتون إلا بكل جديد ومتميز .
الشاعر الكبير ضيف الله بن سويلم :
صح لسانك على ما سطرته أناملك الكريمة , ووقانا
الله وإياكم شرور (الديبان) التي تفشت في المجتمع بمختلف أشكالها وألوانها .
|