صوتك دلع ..صوتك ولع ..صوتك إحساس
يعنـي :مـن أوّلهـا سحرنـي كـلامـك
جديـد ماعمـري سمعتـه مـع النـاس
عشته بأحاسيسـي مـن أول سلامـك !
لفى على صدري مـن الغـرب نسنـاس
صـادق وفـاك ..ورقتـك ..واحترامـك
لمسـت صدقـه ..قلـت للقلـب:لابـاس
جــرّب إذا هــذا يثـيـر اهتمـامـك
وقبـل تجـرّب هـاك للـدرب نـبـراس
منّـي ..واخذنـي بالشدايـد حـزامـك
(الحب طب القلـب ..لكـن وجـع راس)
وأنـت المخيّـر بينهـا فـي هيـامـك
إن همـت حـذرا ترتـدي ثـوب بـلاّس
الصـدق يرفـع عنـد غيـرك مقـامـك
اترك وضوحك ساس تبني علـى سـاس
وعـن بـوح مابـك لايطـوّل صيـامـك
مادام عندك مـن ورى الصـدر مجـلاس
طيّـر علـى أبـراج النوايـا حمـامـك
وإن طرت خذنـي بيـن ردّات الانفـاس
وقفـه ..للتغـيـر ارتبـاكـة نظـامـك
يمكـن بربكتهـا تـقـودك للاتـعـاس!
ويمكـن تعيـش أحـلا ليالـي غرامـك!
يمكن ! ..ويمكن..هات للوضـع مقيـاس
ولاّتـرى مـاعـاد بـاقـي أمـامـك ..
إلاّ تمـرّالـدرب طـرقـي ..وعـسّـاس
لحظـات فيهـا راحتـك ..وانسجـامـك
على الوفـا ..ماهوعلـى درب الانجـاس
اركد ..تـراك اشغلتنـي فـي خصامـك
بكره تذووق الشهـد مـن دوون حـرّاس
ويطيـب حـظّـك ويتحـقـق مـرامـك
للّي على حلـو اسمهـا تقفـل أقـواس
نــوره ..يبّـددلـك زوايــا ظـلامـك
واللـي لضحكتهـا تفاصيـل الاعـراس
لمحتهـا يــوم استبـاحـة حـرامـك
تاخذخيالـك بيـن حيـره ..وهـوجـاس
حـتـى تغـنّـي للـوجـود انعـدامـك
تتخـيّـل إن عيونهـاسـووود نـعّـاس
وتلعـن علـى حـدّ الرمـوش انهزامـك
وتتخيّـل إن خدودهـا يــوم تنـبـاس
من طرقة الشيلـه سبـب لانقسامـك ..
مابيـن شفّتهـا لمـدلـوق الالـعـاس
تخفـي ملامـح دهشـتـك بابتسـامـك
وتمـرّ نظـرات علـى حمـر الاطعـاس
وتلـمّ شيحـه ..ويتنـفـس خـزامـك
فـي وقتهـا تـروى معاليـق يـبّـاس
وينبـت كلامـك فـي بقايـا حطـامـك
وترسم حديث الحب ريشـه ..وقرطـاس
عينـك ..لاجـل عينـه تحـارب منامـك
ومهما يكـون الـرد ..خابـرك قرنـاس
وإن شفت فيك ..وفيك ..عنـدي خطامـك
عـزّه ..وربــي ماتثـمّـن بمقـيـاس
تطفي فضولـك ..فـي حنيـن احتدامـك
وتشعلـك للآمـال فـي ظلمـة اليـاس
ماكـنّـك إلاّ الـبـدر ليـلـة تمـامـك
آخر كلامـك ..العيـن لاتطـري نعـاس
باقـي طـلـب بـعـده تجرّدحسـامـك
حتى يتمّ اللنور فـي فيـض الاحسـاس
عطنـي علـى هـذا الكـلام التـزامـك
.
هنا شاعر ..وشعر ..يصفّق له القلب طرباً
.
نسخة للمفضلّه ..مع التحية ..يابو شاهر
|