مطلق الثبيتي

ابافزع وأطب المعركة عقب قر الهوش = وبا أضرب بسيفي فارس القوم صيافي
وأبا أخذ حصانه ثم أقفل عليه الحوش = ولا عاد نسمع فالبلد صوته الخافي

صياف الحربي

يا طيبك ليا حولت فالمنزل المفروش = وعند العلوم الثانيه كيف تنشافي
تعيّن لواحد تقدره ثم حوشه حوش = وكسر حسابك ثم يطلع لك الصافي

مطلق الثبيتي

لقيتك صلاة العصر بين العرب مربوش = عسى يا الحريبي ما حصل شر وأخلافي
يامكبر جيوبٍ في طرف ثوبك المنقوش = ولا كن مافيها يقع شب وصرافي

صياف الحربي

بلشنا بلشنا في طيورٍ بغير عشوش = على راس شجرة تحتها يسفي السافي
تطالع فجيبي وأنت وسط البلد حنتوش = وترسل على جمة ثلاثين مغرافي

مطلق الثبيتي

عصيفير مدري بالمخاليب وش ينوش = ولا أني لريشك يا العصافير نتافي
تبا لك صبيه راسه بالعطر مرشوش = ورجلٍ قليل المرجلة لزم ينعافي

صياف الحربي

تعديت حد العلم يا الطالب المدهوش = وثوبك ليا حد الركب والقدم حافي
أنا عارف أنك ساحرٍ تعمل الدنبوش = ويمناك مس الثوب من فوقها ضافي

مطلق الثبيتي

لك الله ماكل من طرف زادك المغشوش = غناوي وفالايام طيب ومتعافي
انا لو أبيعك ماسويت ألك خمس قروش = ولا كن أبقسمك لرباع وانصافي

صياف الحربي

تبا تلعب الكورة ورجلك بغير عروش = لكن أصبر لبكرة ويلفي لك الافي
ليا بعت بيع اللي تحصل بها عرموش = انا سم ساعة منه تختل وتخافي

مطلق الثبيتي

أنا ما رجيت الخبز من حبك المدشوش = دخيلك تدسه في طرف جحرك الدافي
أبا أولع الكبريت في قطنك المنفوش = بعدها يجي لناس لجة وغطرافي

صياف الحربي

ضحكنا لعلوشه وجابت لنا علوش = ولا أدري بدت لثبيت ولا للشرافي
بغينا ندور لك رحاتك ودارت بوش = وسريتنا بالليل بسراجك الطافي

مطلق الثبيتي

ياراع الحلق والخف والودع والقرقوش = تكسر لنا صوتٍ كما صوت الأسعافي

صياف الحربي

تطير الطيور ويقعد الطير أبو طربوش = يدور سبا والصبح يسعى ويطافي

______________

هذي هي المحاورة كما جرت بدون تقطيع وبدون تقصير

تحياتي لكم

همسة/
ان للفقر لذات كالذات الغنى فأغتنموها

__________________________

من باب يازين الزين زيناه

____________________

الى اللي ماحضروا المعركه
عزالله أنه فاتكم محراف = بين الحصيّن صاحبي وكلاش