عبرة قلم سالت على خدود الاوراق=وحبر القلم من دم جرحين منها
عبرة قلم والحبر من دم الاعماق=وشلون ما اكتب عن هواها وعنها
والشعر دام انه مزاجات واذواق=كلن هواجيسه بكيفه وزنها
وعندي هواجيسي على الكيف تنساق=سوق المهار اللي مجود رسنها
بالذات انادمها اذا جات الاشواق=القى الهجوس الساريه وامتحنها
واسري وراها لين تقبل بالاشراق=واخذ صفاوتها واغني لحنها
والله ما ادور ورى شعري ارزاق=بيض القصايد من يدور ثمنها ؟؟