منتديات المرقاب الأدبية - عرض مشاركة واحدة

21-12-2006, 09:32 PM

[QUOTE=محمد جارالله]السلام عليكم ..

لكم مع باقة حب وتتمنى الرضا القبول ..

:

:

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

ما يملي عيون الرجال من الرجال الاّ الزحول = أبصم عليها بالعشر .. عن اقتناع وتجربه
واصدق احاديث الزمان تقوله كبار الفعول = ما هو حديث الألسنه لو وثّقته المكتبه !!
والمدح لا من قيل في رجل ٍ يقول ولا يطـول=كـنـّه : مسبّه ابطريقه راقيه ومهـذبـه !!
والقلب ضحكة صبح مترامي وبالحزن مغسول= تجمّع الأضداد فـي صـورة جمـال مرتبـه !!
والشعر (فارس حلم) والفكـره (حياويّه بتـول) =وانا الذي يرسم تفاصيـل (الزفـاف) ويكتبـه
ما جيت اروّج للهزل واحاور كفوف الخبول ! = من باب كسب اعجاب ساذج من سذاجة معجبه !!
ولا جيت اقول ان التكبّر شرط تبرير الوصول = دام الوصول احيان ما يحتاج شعر وموهبه !!
لا والله الا جيت ابنشر فكر واخاطب عقول = لو اكثر اكثرهم ( نمط تواجدي ) ما يعجبه
يكفيني اعجابي بذاتي روح وافكار وميول = وتفاخري لامن لقيت ان ( بيني وبيني ) شبه !!
ماني بنافس غير أنا !! واحساس في صدري يجول = احيان اقوله واكتبه واحيان يكفّي اشطبه !!
والبارحه مثل السنه .. تجارب ووقت وفصول = عطت ضميري من دروس الوقت مالم يطلبه
زلة خوي ّ .. وطعنة صحيب .. وتشمّت من عذول = ياااكبرها في حق من يفخر بفعله وشنبه
تطلّع الرجّال من طوره وتدخله الذهول = مابين يصدّق ما حصل !! أو ما حصل يكذّبه !!
لا بارك الله في النوايا البيض لاصارت تحول : = من دون عرفك صدق نيّة صاحبك ومذهبه
لكّن .. دامك محترف يا صاحبي دق الطبول ! = حاول تلاقي لك مكان بخلف ظهر المطربه !!
ما عاد لك عندي .. مقام ولا ملام ولا قبول =وجّه على حظك (ركايب لوم نفسك) واندبه
![/POEM]

:

:

الشاعر القدير / محمد بن جار الله السهلي
اهديتنا درة تجبرنا على قراتها اكثر من مرة
تحمل من المعاني ماتكلم عن الغايب والحاضر
وهذا الشئ الذي نفخر به ونتمنى من الشعراء المبدعين
ان يحذون حذو هذا الابداع ويقتدون به
تقبل تحياتي وتقديري
اخوك/حسين الدوسري