[POEM="font="Simplified Arabic,4,blue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]على مركب غرامي قمت أغنيّ والقصيد بحـور=نفضت شراع صدري والهوى ما فضّها سيـره
أشيل المحبره واللي عطاني ريشـة العصفـور=نزع صمتي وخلاني مـع الصبـح وعصافيـره
يا بنت الناس قلبي في مدار الحـب جالـه دور=تعب نبضه على دربك بعـد طالـت مشاويـره
مسجلّ لك شهادة حـق ماسجّـل شهـادة زور=خذا من دقتـه رايـه وسجّـل عنـك تقريـره
ولو يصبح شعوري لك على صفق الهوى منثور=جمعتيـه بحذافيـره .. وأخذتيـه بحذافيـره !
عسى قلبك مثل قلبي من أوناس العناء ماجور=بعد صرنا من أعلام الغـرام ومـن مشاهيـره
وأنا مدري عليّ قصور وإلاّ ما علـيّ قصـور=لكنّ الحـب هـاذي معطياتـه لا كثـر خيـره
يفك الباب للأحبـاب ويرمـي فالظـلام النـور=تعبنـا مـن خطايـاه ونشبنـا فـي معاذيـره
تواضعنا علشان الغلا .. ميـر الغـلا مغـرور=كبر وأستكبـر .. وبينـي وبينـك زاد تقديـره
تذكّرت الكلام اللـي تقولينـه بـدون شعـور=ونسيت أني حبيب ٍ ما سكن في مهجتك غيـره
أجيك وخاطري يضحك وأروح وخاطري مكسور=وأنا صبري مثل صبره على كسـره وتجبيـره
أحبك والمحبّـه مـا تمـوت وبيتهـا معمـور=تزيد وكـل مـا زادت ظهـر للحـب تبريـره
علاقتنـا ربيعيّـه وقـاع ٍ شالهـا ممـطـور=لاشكّ الحبّ ما يرحـم ليـا هبّـت معاصيـره
ألا يا طول شرحي مير جرحي ما يبـي دكتـور=تداويه المـودّه مـن عـذاب الشـك والغيـره[/POEM]
يلعن مزاج الشغله كلها ياشيخ
دكتور جراح مافيها كلام
وش اقول وش اخلي
والله محتار يادكتورنا
يعجز اللسان عن الوصف ...قصيده اقسم بالله انها تلامس وجدان محاتسيك شخصياً
لله درك لله درك لله درك
انا اخاف اقول اكثر من كذا تقول يجامل
وانا وربي ان الكلام اللي انا اقوله بعيد كل البعد عن المجامله
صح لسانك اقصى رقم فالوجود يعني صح لسانك بلا حدووود
وحبلي خشمك يادكتور يارائع
|