الأستاذ والشاعر القدير ............. محمد النفيعي
اسعد الله مسائك بكل خير .
اسمح لي بهذه المشاركة :
قالت الشاعره نوره الهوشان بعد ان طلقها زوجها هذه القصيدة عندما رأت مزرعة زوجها وتذكرت ايامها معه :
ياعين هلي صافي الدمع هليه
************** وإلى انتهى صافيه هاتي سريبه
وياعين شوفي زرع خلك وراعيه
************** شوفي معاويده وشوفي قـليـبه
لو مرني بالدرب ماقدر احاكيه
************** مصيـبـهٍ ياكبـرها مـن مصـيـبـه
اللي يبينا عيت النفس تبغيه
************** واللي نبي عجـز البخـت لايجـيـبه
وقالت ايضاً الشاعره نوره الهوشان هذه القصيده بعد ان طلقها زوجها وهي تأمل الرجوع اليه :
قلبي يحب حبيبي مير يكوين
************* مكوا يـبيـن القـيح به قـبل دمّـه
أبيه لو هو يطبخن ثم يشوين
************* يـبـرد لهـيـب القـلب ضـمه ولمـه
يا حلو قولة هيش ياويش تبغين
************ احلى من الورع المغاغي على أمه
..
تقول الشاعره هيا بنت عياده الحربي بعد ان طال بعادها عن زوجها الكريم :
يا مل عينن حاربت سوجة الميل
**************** عـلى عشيرٍ بالحشا شب ضوّه
عليك ياللي بطبخته نصفها هيل
**************** اللي سعى بالطيب من غير قوّة
المال ما طيّب عفون الرجاجيل
**************** والـقـل مـا يقـصر براع المـروّة
يا عنك ما حس الرفاقة ولا قيل
**************** ذا مـغـثيٍ مـا يـنـزل حول جـوّة
لـه عـادة ينطح وجيه المقابيل
**************** هـذي فـعـوله بـالمراجـل تفـوّه
أجواد نسل أجواد جيل ورا جيل
**************** الـطيب فـيهم مـن قـديـم وتــوّه
وتقول شاعره من قبيله عتيبه ابيات تداعب بها زوجها بعد ان كبر في السن:
العام تبغالك من البيض ثنتين
**************** وايضا تبغالـك عـليـهن زيادة
ومثلك ليامنه وصل عام ستين
**************** يصيـر مخـه مثل مـخ الجـرادة
ماينطح اللازم ولا يقضي الدين
**************** ولاعاد تقبل منه حتى الشهادة
والعود لو ينحط في محجر العين
**************** مثل الرديف اللي يخلي شدادة
اتمنى ان تحوز على رضاكم ,,,
اخوك .......... طلال الردادي
|