عليك باللـي تشوفـه عينـك وتقتنـع
لاصار وقتك على الراحه وامرك سعـه
ولاصار عقلك مشتت بين طرحٍ وجمـع
الشور عنـد الرجـال الطيبـه تسمعـه
وانا اللي حظي يخون ولا في حظي سنع
ازريت احايل زمـان الحـظ ولاينفعـه
والحظ كنه اميـر ويومـي خـادم تبـع
ماخالفه والاشاره فـي رهـان اصبعـه
تعبت يمينـي وسيفـي للعـلا ماقطـع
ارفع يمينـي وثقـل السيـف ماترفعـه
الله واكبر على الدنيـا وبعـض الخـدع
وانا زماني ليـا منـه خـدع ماخدعـه
واللي زرع مايحصد الا من اللـي زرع
وانا زرعت وزماني في يديـه اجمعـه
مشًره على وقتي الماضي ولوًه سمـع
وشلون ابشره على وقتٍ مضى واقنعـه
اشره على من نفعته يوم جـاء مندفـع
اللي ابتلا بالزمن والشـر عنـه ادفعـه
واليوم لامن نخيته صد ولا لـي فـزع
واشره على من سلام الله لـي يقطعـه
والكلمه اللي بوسـط الجـوف ماتنبلـع
والظربه اللي تجي من صاحبي موجعـه
والحر لوًه يعوف الارض طـار وجـزع
والعيب مني وفيني من زهـم مامنعـه
اضيق لامن سمعت اللي زهـم ومتنـع
أجيه كلـي وبـاب الـرزق ماأوسعـه
واشوم لامن لقيت اللـي حياتـه دلـع
اللـي سلـوم البـداوه تقلعـه تقلعـه
طبعي كذا والعفو طبعي واحـب الطبـع
والاقنعـه للوفـا مـافـادة الاقنـعـه
والوقت وقت المصالح مدري وقت الطمع
وانا قنوع ابحياتـي والطمـع ماطمعـه
ولو افرض ان الزمن قال اقتنع ماقنـع
ولو ماقنع ماقنع غصـبٍ علـي اتبعـه
ياسلااام ياسعود
قصيده جزله عز الله
صح لسانك ..
تحياتي
|