منتديات المرقاب الأدبية - عرض مشاركة واحدة

09-01-2007, 11:24 PM

المشاركة الأصلية كتبت بواسطة مبارك آل خليفه

تروح ذلحين لبركة سباحه وتسبح لك ساعه الا ربع وتاخذ لك ربع ساعه واقف في الهوا بين الشوطين وترجع للبركه مرةٍ اخرى ساعه الا ربع بعد وتزيد عليها كم دقيقه وقت بدل ضايع

وبعد المباراه اقصد بعد ما تسبح اشتر لك اثنين عسركيم فانيلا بالشكولاته والهمها بسرعه لقمةٍ وحده وتطلع ميّه ميّه

وان ما نفع بعلمك بعلاج ٍ غيره

هذا يبو عبد الله علاج حمى بطولة الخليج شكله

عليك به انت

اما عن الحاج رحيم عسى الله يمن عليه بالصحه والعافيه ومرضى المسلمين

فعلاجه الاتي

خذلك صطل بويه اي لون عادي ,, اقول لك ليش اي لون
فرغ الصطل من محتواه واتركه حتى ينشف يومين ثلاثه
هاثم امله ما وسخنه بنار خشب عماير لين يطير نص الما
وخذ طال عمرك والمشاهدين علبة فقس وان لم يتوفر شحم نمر يمشي الحال
تطرح محتوى علبة الفقس في الما وهو يغلي ثم تحوله في طاسه اصغر حجم
وتضربه على خشمك وتشوف بطانيه سمك نص قدم ما غسلت من زمان وتغطيبها راسك
يعني تستنشق بخار الفقس ولا يروح شي منه ما مر خشومك
بعدها تسحب نفسك وعلى الفراش وتتغلمق بنفس البطانيه لايصفقك الهوى ابد
هذا الكلام في الليل من احدعش ,,, احدش ,,, احدعش ,, حولها
وباذن الله تقوم الصبح تدعي لي
لا وتضرب بقصيدتين للشعبي والمواهب وطاروق معتبر بعد

وللامانه
علاج الحصيّن لاباس به خصوصاً موضوع التيس ومرقته وبما انه مختلف عن الضب عكرتاً وكرعاناً
فشرطه يختلف وهو ان امه وابوه متلاقين صدفه بلا ميعاد
يوم ينحاش ابوه من الشبك ولا يوقف الافي شبك ناس مايدرون منين جاهم كانت فيه الاميه
ولا بينهم ذاك الود

ولا تنساني من دعاك يا حج الله يقبل منا ومنك ويجعل ما صابك تكفير ذنوب

وسلامتكم جميعاً