أستاهل اللي صار لـي ليـه حبيـت
سجنـت نفـسٍ قبـل كانـت طليقـة
ما صار صار وواقـع ولـو تمنيـت
ولا عاد باقي غيـر جـرح الحقيقـة
مفروض من بـاب الأدب والإتيكيـت
لاجيت تبعـد تلـزم أفضـل طريقـة
مهو كـذا طقـت براسـك وصديـت
مبسوط واللي هام بـك فـي حريقـة
إن كنت مخطي قول لي ويش سويت؟؟
عاتب عتب عاشق يعاتـب عشيقـه
يا زين علمك يـوم جيـت وتعنيـت
قال أيش!! قال لكل شخـصٍ طريقـة
في ظاهرك حيٍ وفـي داخلـك ميـت
قاسـي مشاعـر والملامـح رقيقـة
هقيت بك يـا ليتنـي مـا تهقويـت
أجل تزيـح أحـلام عمـر بدقيقـة!
على العموم أخطيت لكنّ مـا أخطيـت
المخطي اللـي شـال مـا لا يطيقـه
وانا على أية حال أبقـول لـك بيـت
فيـه المعانـي جلـهـا والدقيـقـة
أبيـك تذكرنـي ليـا منـك أقفيـت
وطريقتك يـا شينهـا مـن طريقـة
الله الله الله يا سطام
ابدعت وربي ابدعت
معبره ورائعه وسوبر ستار
صح الله لسانك يا سطام ولاهنت
|