السلام عليكم ،


من توقيع .. لطلب غالي .. لأبيات متواضعه ،



[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
على مركب غرامي قمت أغنيّ والقصيد بحور=نفضت شراع صدري والهوى ما فضّـها سيره

أشيل المحبره واللي عطاني ريشة العصفور=نزع صمتي وخلاني مع الصبح وعصافيره

يا بنت الناس قلبي في مدار الحـب جالـه دور=تعب نبضه على دربك بعـد طالـت مشاويـره

مسجلّ لك شهادة حق ماسجّـل شهـادة زور=خذا من دقتـه رايـه وسجـّل عنـك تقريـره

ولو يصبح شعوري لك على صفق الهوى منثور=جمعتيه بحذافيره .. وأخذتيه بحذافيره !

عسى قلبك مثل قلبي من أوناس العناء ماجور=بعد صرنا من أعلام الغرام ومن مشاهيره

وأنا مدري عليّ قصور وإلاّ ما علـيّ قصـور=لكنّ الحـب هـاذي معطياتـه لا كثـر خيـره

يفك الباب للأحباب ويرمي فـالظـلام النـور=تعبنا مـن خطايـاه ونشبنـا فـي معاذيـره

تواضعنا علشان الغلا .. مير الغلا مغرور=كبر وأستكبر .. وبيني وبينك زاد تقديره

تذكّرت الكلام اللـي تقولينـه بـدون شعـور=ونسيت أني حبيب ٍ ما سكن في مهجتك غيـره

أجيك وخاطري يضحك وأروح وخاطري مكسور=وأنا صبري مثل صبره على كسـره وتجبيـره

أحبك والمحبّه ما تموت وبيتها معمور=تزيد وكل ما زادت ظهر للحب تبريره

علاقتنا ربيعيّه وقاع ٍ شالها ممطور=لاشكّ الحبّ ما يرحم ليا هبّت معاصيره

ألا يا طول شرحي مير جرحي ما يبي دكتـور=تداويه المودّه مـن عـذاب الشـك والغيـره [/POEM]


وسلمتوا ،،


..