يالله اللي رحمته عدت حـدود المستحيـل
صبر القلب الحزين اللي فقد نبع الحنـان
رغم طول الوقت ما بين القصيده والرحيـل
اشهد ان القلب يفقدها ولو طـال الزمـان
لا تلوموني ترى اللي فاقـده مالـه مثيـل
كيف ما افقدها وهي عندي لها قدر ومكان
شفتها مـره وحيـده لكـن المـده قليـل
شفت صورة وجهها فيه المودة والأمـان
منوتي شوفه طويله تشفي القلـب العليـل
ودي أسعد في لقاها واطلق لحزني العنان
واتمنى شوفها دايـم صبـاح وكـل ليـل
كل يوم أشوفها حتى ولو بعـض الثـوان
اعذروني والله اللي فاقـده مـا لـه بديـل
احمد المولى على حكمه عظيم وله شـان
هذي امي شفتها رؤيا قبـل وقـت طويـل
لانها ماتت وان في المهد مدري ويش كان
يالله اجعل قبرها روضه من الجنـه ظليـل
وفي جنان الخلد نتقابل واشاهدها عيـان