الأحبه

هناء

في مرقاب الشموخ


السلام عليكم ورحمة الله وبركاته

يسرني أن أستعرض في هذه العجاله السريعه شريطاً من حياة نجمٍ من نجوم المرقاب..

ألا....وهو...


الشاعر الكبير


عبدالله مرزوق المرشدي


الذي حل ضيفاً على المرقاب قُبيل أيام..!!

بعد أن شرفني بقبول دعوتي المتواضعه..!!

فهذا النجم غني عن التعريف ومهما كتبت عنه فلم ولن أوفيه حقه من المديحِ والثناء..

وتبقى شهادتي في هذا العملاق مجروحه..!!

فهو شاعر جزل...ويُجيد التعامل...مع المشاعر والأحاسيس قبل أن يتعامل مع الحرف..

شاعرٌ يعرف كيف يُروض الألفاظ كيف يشاء..

شاعر ينصاع تحت أوامره القلم....بدافع التشرف بمعانقة روائعه .. !!


شاعرٌ برز إعلامياً عبر عددٍ من الصحف والمجلات خلالَ عقدٍ من الزمن

هذا الشاعر يحمل في جعبته الكثير والكثير للمرقابيين .. !!

لنا معه وقفةٌ مع الغزل .. !!


[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]حبي اكبر من غلاة امـك وبـوك=لو يطـول البعـد قلبـي مانسـاك
اعشقـك بجنـون احبـك كلبـوك=والصراحه جـد ذابحنـي غـلاك
كان تبغى القلـب يالمحبـوب دوك=جاك قلبـي دام انـا كلـي فـداك[/POEM]


ثم في تعريف الحب...له صياغةُ مغايره..!!


[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الحب كلمـه ساميـه باربـع حـروف=موجـودةٍ بالكـون فـي كـل الأزمـان
تعني يكون الشخص في شخص مشغوف=وإلا يجي شخصين فـي قلـب ولهـان
الحـب كائـن حـي محكـوم بظـروف=له شـرع بالدنيـا ولـه نـار وجنـان[/POEM]


كما أن شاعرنا تطرق لـ التذكير بالربح الحقيقي..!!


[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]رابحٍ من كان همـه فـي حياتـه=كيف يرضي خالقه بايـة وسيلـه[/POEM]


ومن ضمن ماقال في مدح قبيلته..!!

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ربعي بني عياد ضد الضـديدي=مراشده ياطيب ذيـك السلاله
من ساس قوم فعلهم مايبيدي=عتابه مقر الطيب مابه جداله
اهل الكرم والجود علمٍ وكيدي=واهل الشجاعه كاسبين الجماله[/POEM]


وفي مدح الحبيبه يقول:

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]سبقـك تعـدا كـل سابـق وفقتـي=من كان قبلك سيرته تبنـي اطبـاق
هذي شهـادة حـق كانـك وثقتـي=في قول من حده على القول ميثـاق
انتـي لحالـك بالتمـيـز لحقـتـي=اللي سبق قبلك ومـن جـاك لحـاق[/POEM]

وفي مجال النصائح..قال:


[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]احفظ لسانك وثمن مـا تقـول=قبل ما تنطق ويكتبهـا الملـك
راقب الله في سكونك والفعـول=زين الأعمـال فـي مستقبلـك
كل شيٍ من على الدنيا يـزول=ينتهي في حين ويـزول الفلـك
في صعيد العرض كل ٍ في ذهول=ينجي الناجي ويهلك من هلـك
من يطيع الله ويطيع الرسـول=بشره بالجنة اثمـن مـا ملـك[/POEM]


وقبل الختام...في حال الأمه كان له رأي..!!..ووقفةِ تأمل..

[POEM="font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]البارحه مانمـت افكـر بالأوضـاع=وش لون كيف يصير لا بـد حيلـه
قمت اتقلب كن في جسمـي أوجـاع=اجلس وأقوم أظنـي القـا وسيلـه
قامت تواردني هواجيسـي اجمـاع=واحترت مابيـن العميـل وعميلـه
قضيت ليلي فـي تفاكيـر وصـراع=بيـن الحقيقـه والوهـم والفشيلـه
حال العرب مقفـي ولا فيـه فـزاع=الوضع مزري مـن ليـالٍ طويلـه
نشجب ونستنكر ولا سامـعٍ طـاع=هرجٍ بليـا فعـل وش نرتجـي لـه
القدس راحت بين مـازع ومـزاع=ولبنـان تتبعهـا بنفسـن ذليـلـه
الغرب في ثرواتنـا تبنـي اطمـاع=وحنا ليـا مـن لاح بـرقٍ نخيلـه
نجري ورى الكوره ونومي بالاصباع=لامن ظفر بالكـاس منهـو يشيلـه
شبابنا في مرتـع اللهو قـد ضـاع=وشيابنـا كـلٍ يجـمـع حصيـلـه
بناتنـا مابيـن شــاري وبـيـاع=بالسوق مـن دون البراقـع بشيلـه
في عالم الموضه من العري شبّـاع=جوعا من الحشمـه وسلـم القبيلـه
البيـت مهمـل والبزاريـن جيـاع=والزوج مهمـا قـال ماتنحنـي لـه
ضاعت عقول الناس واللي شرا باع=بـدل دروب المرجلـه بالرذيـلـه
ما اعم قولـي فيـه للحـق تبـاع=ناسٍ على درب الشرف والفضيلـه
حبيت اوضح شي خافـي ومنـذاع=به ناس تجهل بـه ونـاسٍ دليلـه
وصلاة ربي عـد ماهـب ذعـذاع=على شفيـع الخلـق راع الوسيلـه[/POEM]


وفي الختام...ننتظر..مفاجآت هذا المتألق..!!


ودام الجميع بخير..!!