غبت .. وارديتني في بحر بعدك .. عليل
لاحصلي ّ نجـاه .. ولاحصلـي ّ غـرق
حـيّ لكـن روحـي مثـل روح القتيـل
فكر مبدع ونبضه فـي النهايـه ..ورق
ياملاذ الشمـوخ الواقعـي فـي النخيـل
يا الطف من العطا والنبل كلـه .. وأرق
طارق البعد يوجعنـي وجسمـي نحيـل
واعذابـي ليـا دق الضلـوع وطــرق
هكذا كـل صبـح .. وهكـذا كـل ليـل
احتفي به شعـور .. ويحتفـيّ بـي أرق
ارغبك كل ما اذكـر حاجـز المستحيـل
والمحك كل ما شـع ّ الصبـاح وشـرق
وافقـدك كـل مـادورت ظـل ٍ ظلـيـل
ارتمي به ليا من حـزن روحـي بـرق
والله انـك ليـا سولفـت لـو بالقليـل
تبرد اطـراف جسمـي كلهـا وآعـرق
هيبة ٍ ترغـم المـدرك يحـط ويشيـل
شي طبيعي لوانه مـن حديثـك شـرق
نعمة ٍ تجبـر لعـاب المشاعـر يسيـل
واحتـرام ٍ ليـا مـر المحانـي سـرق
حسبي الله على طبعـك ونعـم الوكيـل
اشهد انه حجم غيرك .. وطال .. وفرق !
الله الله الله ياسلام ياسلام ياسلام
والله انك مبدع وان قصايدك تعجبني ياعناد
وهذي مفروض تكون بالشعبي
تقبل مروري البسيط وصح لسانك لين ترضى
تحياتي لك
|