منتديات المرقاب الأدبية - عرض مشاركة واحدة

19-02-2007, 06:19 PM

ياليل قزّرتـك لحـون ومجاريـر
أكتب بيوتـي بيـن تـاره وتـاره
وإن دقّ هاجوس الشّعر والتعابيـر
تهاملت شـردْ البيـوت إبغـزاره
وألاعب المسبـاح سجّـه وتفكيـر
وأشرب وألحّق بالزقـاره زقـاره
وإن هلّت إعيوني دمـوعٍ محاديـر
الدمـع تكفيـر إلخطـاي إنحـداره
فكّرت باللي صار واللي يبي إيصير
والمنتظر أيّـس وطـال إنتظـاره
ياللّـي غيابـك مايفسّـره تفسيـر
مدري غيابك صدق وإلا عيـاره؟
ماعاد باقي من رصيـدك معاذيـر
وماكـلّ متعـذّر قبلـت إعتـذاره!
العلم؟وشقومك حصل فيك تغييـر؟
الظاهر إنّك تالـي الحـبّ كـاره
مدري خطاي إن نيّتي نيّـة الخيـر
وإلا غبـا منّـي ومنّـك شطـاره
والا تبي تغييري ورحـت للغيـر
وإخترت عقبي جعلها أمحق خياره!
أرجوك كان إن لي معزّه وتقديـر
لاتفـرح الحاسـد بـردّ إعتبـاره
قد قلت لك كلمـه تفـوق التّعابيـر
ولاعادني قايـل بعدْهـا عبـاره:
أنا إستخرت إمن الهوى والغناديـر
(إلا أنت ماظنّي معاك إستخـاره!)

أنا داري أنه ما أبطى بالسيل إلا كبره

صح لسانك يا ابن عصيدان مليوووون في مليون
عز الله إنك مبدع و قصيدك للقلب دايركت
لله درك
لله درك

أخوك/محمـــد ال عبـــدان