يامرحبا تراحيب المطر
وحياه الله
وتمنيت ان يأخذ المزيد والمزيد من الاضواء
لانه فعلاً شاعر جزل ورائع وله بيت اردده دائماً
لاصار مافي الرجل غيـره وشيمـه
كلمـة رجُـل خسـارة ٍ فيـه تنقـال
وانشهدانـك عايشـه فـي ظليـمـه
يالحية ن مانتي علـى وجـه رجـال
وله ايضاً
وانا رفيقـي لازهمنـي وجدنـي
واقف ابجنبه وقفت ن ترفع الراس
واذا رضاء فيه الزمان وقصدنـي
وقفتلـه وقفـة معـزه ونومـاس
حتـى لوانـي لانفعتـه جحدنـي
في ذمتي في رفقته مازرع اليـاس
وله من الدره
اسلا مع اعزاز الانفس وانبسط واستريح
ولاضعـاف الروابـع 0مالـي ومالهـا
بعض الاوادم على غاية بعضهـا تطيـح
ولاتطيـح الطيـور الا علـى اشكالهـا
ومجالس عزاز الانفس قحويانـه وشيـح
رفيعـة ٍ تـرفـع الـرجـال لاجالـهـا
ماياجد الا سعـة خاطـر وهبـات ريـح
ومواقـف تطـرب الطيّـب ويسلالـهـا
والعديد والعديد من الابداع المتميز ماابي احرق عليكم لكن ننتظرها جميعاً هنا
بأذن الله ولاتبطي ياعبدالرحمن
لاهنت ياابو نوره ولاهان سلطان على الخبريه الحلوه ولاهان عبدالرحمن على قبوله الدعوه
وننتظر منه خمسة عشر دره
|