عليـك البـرا مـردود يالجنـة الملـيـون
مع اخلص تحايا خاطري واصدق اشواقـي
تغيض الصدور وتمتلـي والخطـا مرهـون
على ذمة الاجحاف فـي بيـض الاوراقـي
وانا والله انـي مـا اتكلـم علـى مالـون
ولـولا الخطـا مـالاح نــوّي وبـرّاقـي
ليا صاروا اهل الشعر في الشعر مايـدرون
تدور الظنون .. وتختلـف هقـوة الهاقـي
الا ياهل الحكم المجيّـر غلـط .. وشلـون
عرضتوا ضمايركم علـى مـوس حلاقـي
يسولف بها العاقل .. ويعدي بها المجنـون
هذا بالخبـر نـازل .. وذا بالخبـر راقـي
وحنا منـوّل نحسـب ان الخلـل مسجـون
بالانصـاف كبّـل واحكـم القيـد بوثاقـي
لكن اتّضح .. مدري انفضح .. زبدة المكنون
على عارض الدكتـور غسـان .. والباقـي
بعد ركبت الجمـره علـى برطـم الغليـون
وجا للهب شعلـه ..ودخـان .. واحراقـي
وحتى ايش لوان السبب سرّي .. ومدفـون
اصـول الكرامـه ثابتـه والسبـب راقـي
طبيعي لاصار الرجل فـي موقفـه مغبـون
هذا الحر يشهـر كـل ماخاطـره ضاقـي
ولاهي غريبه لو كسـر يوسـف القانـون
عتيبي محكحك .. واخطل يمين .. وعراقـي
يالجنـه ياقـو وجيهكـم شكـل والا لـون
بعد مابغيتوا قطعـت المـاء عـن الساقـي
يمين الله لتبطون .. تبطون .. ثـم تبطـون
اقولـه وعـزي ّ بالفخـر يدعـم اعماقـي
لوان لجنة المليون .. ترثع بـدون عيـون
ولاهيـب لاتحـدر .. ولاهيـب تنسـاقـي
الله الله الله الله
يالبى الصوت وراعيه ,,
بيض الله وجهك يابو سالم ,,
امتعتنا وجذبت لك صوتك واصوات نجوم مبدعين وهذا من حظنا ,,
ويوسف يستاهل يستاهل ,,
صح لسانك مره اخرى ولاهنت ,,
|