السلام عليكم ورحمة الله

هذه قصيدة قرأتها في جريدة الجزيرة يوم السبت الموافق27/2/

فأحببت أن أنقلها لكم مع الشكر الجزيل لقائلها:


لا [POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لا بغيت تصير شاعر معتبر فالساحه =شف لك استديو يحكر الصورة الشخصية

ما عليك من القصيد وسبكة ونقاحة =ولا عليك من البحر والوزن والقافية

تالي الايام كلٍ جاء يشيل اسلاحة =واختلط عج الرمك فالساحة الشعبية

وقام كلٍ فالمحافل يومي بمسباحة =ولا يشوف من السماء والارض غير بلية

يحسب انه طب غبات البحر واجتاحة =ويحسب انه شاعرٍ ما فا لاوادم زية

مرةٍ يجيبها صدفة بدون سباحة =ومرةٍ يجيبها شاميةٍ عامية

وصفقوله شلةٍ سراقةٍ مزاحة =ذوقهم ما ينعرف وافكارهم سطحية

ولانتها كلٍ على الدبكة يجر صياحة =هذا كانه ما رمى الغترة مع الطاقية

والتبس شين الحلايا مجنده ووشاحة =ويوم في جدة وعشر ايام فالشرقية

ولو جمع ها الاجودي خسايرة وارباحة =يطلع المكسب صفر يعني خسر بالمية

والنهاية مؤلمة وايامنا فضاحة =والمجامل والمدح نتايجة سلبية

وشق شقٍ ما رفاه ولا سعى باصلاحه =والسبب هرج البشر واحلامة الوهمية

ما درى ان صفق البحور يتعب السباحة =ويظهر اهل العرف واهل الوقفة المعنية

ولا درى ان افكارنا وصدورنا فواحة =مير نسكت لا تجي نتايجة عكسية

ولا درى ان الشعر سيف وسلته ذباحة =وكان مانت بماسك القبضة ما هي جبرية

ولا درى ان الشعر صندوق وغداء مفتاحة =والقفل ما احد يعرف ارقامة السرية

غير فرسانٍ كبار زنودهم قداحة =ياكلون الناجحة ما ياكلون النية

وبعدهم شعار لا شقيا ولا مرتاحة =شعرهم طيب لكن افكارهم عادية

وبعدهم شعر الغثاء واهل العقول براحة =وامسيات الواسطة والربع والجاهية

ما دروا وش قال ابن شفلوت ضمن ايضاحة =يوم قالوا كيف وضع الساحة الشعبية

قال ساحة بس بعض احيان ما هي ساحة =واشهد انه صادقٍ في كلمتة هذية[/POEM]

الشاعر: محمد سرحان البقمي