الله وانا خالك يحفظك من العيـن
ويكفيك شر اهل النفوس الضعيفه
طلعت فالتلفـاز قـدم الملاييـن
فبو ظبي دار ابـن زايـد خليفـه
يحماك ربي من عيون الحسودين
عين الحسد يالله عساهـا كفيفـه
بسم الولي عليك مخز الشياطيـن
شاعر ولد شاعربيوتـه طريفـه
اصهل يابو تركي وهز المياديـن
خل المعادي كبـده تـروح ليفـه
انته سلايـل ملحقيـن المخليـن
اهل الكرم واهل السيوف الرهيفه
عتيبـه الهيـلا كعـام المعاديـن
وقفاتهم مثـل الجبـال المنيفـه
زبن الدخيل مرجحيـن الموازيـن
كم فرقوا بيـن الوليـف ووليفـه
تاريخهم محفوظ عبـر الدواويـن
مازيفـه راع الدعـاوي بزيفـه
محوالهم في نجد جالـه براهيـن
يـومٍِ كـلِ عـز راسـه بسيفـه
تفرعنوا فيها سـوات السلاطيـن
توسطو منها وجـوا فالنصيفـه
غصبٍ بلامنـه عدانـا مطيعيـن
نقودهم قـود المهـار العسيفـه
نظرب على الكايد وبذن الله يليـن
اليوم وايـام السنيـن المخيفـه
وعن موجز الاخبار تكفي العناوين
بثي ياذاعه وانشـري ياصحيفـه
مرزوق شاعي
صح لسانك مليووووووووون
والله يستر على النجم الصاعد
وذاك الشبل من ذاك الاسد
تحياتي لك ولتركي ولمحمد
|