مساكم الله بالخير جميعا


اهديكم هذه المتواضعه التي خرجت من قلب لتلامس القلوب






[POEM="font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يابنت ماجابك زماني على الكيف=ابيك لكن السنين منعتني
يبست من الحرمان فيني سراجيف=ومزون عطفك دبرت ماسقتني
متعطشن للحب في قايلة صيف=وكل العدود التاليه ماروتني
متحمل وصابر وحالي على جريف=وان زدت شعره للحمول كسرتني
اهيم من دونك بليا مجاديف=ومنين ماهبت علي اجرفتني
مالي هدف فالقاع عقب المشاريف=امشي مع الاقدار لو خالفتني
اتهب في جوفي بذكرك عواصيف=كل مااستدارت داخلي شتتني
واخفي تعابير الندم والتحاسيف=واظحك وشر مصايبي ظحكتني
اطلق حجاجي واحشمه حشمة الظيف=عن الحزن وعيوني اللي فظحتني
اخاف اشمت في حجاجي ملاقيف=وانا الكرامه عنهم رافعتني
هذي سواتي يوم ماجابك الكيف=والله يجيرك من علومن حدتني[/POEM]


وسلامتكم جميعا

ديواني