ومحدٍ فقدني من الشعار ضمن الفقود = وأنا ليا جيت أصب القاف من دلته
مدري سبب علتي فيه لاكون محسود = أحيان نفسي منه يا سامعي ملته
صحيح أنا أبطي ماجي يم المكان ولارود = بس إن اللي فالمكان أصحاب ما أختلته
شعار فيهم على شعري ثمانين زود = ها وين نشدت صحيب العام وش ولته
أقبل وقفى ولا يدري لون اللحود = اللي خذ ت رأس غيري راسي ودلته
ياعنك يا أصحابنا فالنت فيهم جحود = وأنا مع الطيب أول دمحتي زلته
ماني بناشدك أياحمد وين صحبت حمود = واللي يجيب الدرر ما تكسره علته
ولاني بشاره على الدنيا ولاني حقود = وكلٍ على مثل ما قالوا تجي إجبلته
أغيب ماهوب غيابٍ عمد مار الجمود = أحيان يا ساحة الشعر أكره أسحلته
ياكثر ودر ٍ على الساحة وجرب الورود = ينحاش عنها الذي ماتختلط سلته
الشعر حتى العجم تنخى عليه الهنود = بالله وش دخل الهندي اليا فلته
جلس على الكرسي الهندي كبير العضود = وطى بكبدالقصيد وبينوا خلته
ها لاه والله شاهد والخلايق شهود = ياساحة الشعر عفي به اليا سون لته
ما دام سداح مطلاع القصايد سنود = أبا أقرض الشعر وأقراء له على ملته
يا سابقي هبي البيداء سناد وصعود = وإن غبت عذري معي وإن جيت ما كلته
يردني له قصيدٍ مثل قدح الزنود = أقراه واخذ معه نفسي اليا جلته
بعض القصايد غثا بعض القصايد ورود = وبعض القصايد جد يل الفاتنه هلته
وأنا هنا الصدق ما عا ينت كل الردود = إن كان زل القلم طالبكم بزلته
ما يدمح الا الكريم , ولاإ يهاب الشرود = وعرفٍ على غير وصل أحسن منه قلته