منتديات المرقاب الأدبية - عرض مشاركة واحدة

#1 26-04-2007, 07:35 PM

السلام عليكم ورحمة الله وبركاته
للجميع اقول أجمل وارق تحيه وترحيب وابارك لنفسي وجودي مع لنخبه
وكان طموحي هو اللقاء مع هالوجيه الطيبه والمشاركه والاستفادة من هالجمعه المباركه..

الف شكر وعرفان على من سعى بتسجيلي والف شكر على من قدر الساعي بارك الله بالجميع
............
اخواني هذي مشاركتي الاولى بالمرقاب وللعلم والاحاطه هذي من انتاج اليوم يعني فرررش طازجه حبيت اشارك فيها هنا قبل اي موقع اخر حتى ديواني الشخصي..

ارجوا واتمنى ان تحوز على شي من رضاكم

[POEM="font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]هاك يالدرب الطويل اقدام تقطعك ان خطت = الشهود آثار خطوه ..تنقض وخطوه ..تخيط
حافيه تاطا على الشوك الطرير اليا وطت = دون واقي .. دام باقي ..دافع الذلّه نشيط
ياس يلحق ياس .. منه المعنويات اهبطت = وماحداني غير ياسي يوم هلّيت الشريط
صابر وحاولت ضبط النفس لكن .! ماضبطت = لو احاول واتفاؤل يرفض الظن العبيط
ابتليت (( بجـ ـر هـ ـديّه)) بس تأخذ ماعطت = حطّت شروط العطايا .. بس ماتقبل حطيط
ياكثر شي(ن) تبيه وياكثر ! شرط اشرطت = وياكثر ماعاقبتني بين .. جال وبين .. حيط
باصغر الغدران .. طبّت . بالرّجول وبطبطت= واطلبت مني اطبّق .. بطبطبتها .. بالمحيط
استغلّت سلطت الطاعه وضدّي خططت = وارفضت كل المساعي.. وابعدت مصلح .. وسيط
وش ورا هذي مذلّه ؟ كتّفتني واربطت = واتركتني في مهبّ انفاسها خاضع ربيط
طحت من عيني سببها .. يوم راجت وانشطت = بعد ماكنت بعيوني قبلها .. ماني بسيط
[/POEM]