والردي ماله عليـه لاطيـب ولاحتـرام
يوم ينذر بالفراق اجمـل أيـام الحيـاه
والذي حرك هجوسي وحلق بـي وحـام
وكدر القلب المعنـى وزود بـه عنـاه
صاحبٍ غالي ومغليه الي عشرين عـام
قام يقصر في سلامه ويبدي لـي جفـاه
والجفى ما هو بطبع الرجاجيل الحشـام
رآعي الجزلات غلطان من يبحث خفـاهً
ومن حقوق الصاحب أربع وخامسها تمام
أولً فأن كانـه أخطـى فلاتتبـع خطـاه
وان لفاك اكرم سباله وذا طبـع الكـرام
وأن رحل وابعد فلا عاد تهرج في قفـاه
وإن حداه الوقت واحتاج في غير الحرام
إحتزم بالمال والنفـس والحقهـا بجـاه
وخامستها نور والنور جـلاي الظـلام
ألنصيحه واجبـه والـردى محـدٍ يبـاه
ومن تسمع في يقولون وبنـوك الكـلام
والله ليزعـل مخاويـه ويفـرح عـداه
حط علمي يا محمد على صدرك وسـام
مثلك افخر به وأماري ولويكبـر خطـاه
يعطيك العافيه على القصيده الوافيه
|