|
(*( عضو )*)
|
بيانات اضافيه [
+
]
|
|
رقم العضوية : 626
|
|
تاريخ التسجيل : Jan 2003
|
|
أخر زيارة : 20-04-2024 (06:16 AM)
|
|
المشاركات :
1,356 [
+
] |
|
زيارات الملف الشخصي : 8056
|
|
|
لوني المفضل : sienna
|
|
الشاعر ثواب بن طنف الجعيد يرحمه الله
[POEM="font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]وترى تفاصيل الرياجيل واجد = يتعب مغنين المثايل عدودها
عرفت لي منها معاني كثيره = خابر ثعالبها وخابر فهودها
ترى الثعالب ما تغير عيالها = لو كان تنقش بالزمرد جلودها
والحر الاشقر ما سكن فوق عرفجه = لو كان مالت بالثماري فنودها
ومن لاتنقى في المناسب تندم = وروح الفتى تزهيدها ما يزودها
واناعتيبي من سلالة هوازن = ربعي عوايدها الفخر من جدودها
ما نوشي الفتنه ولا نحرث الردى = ولا نهاب اليا تسامت وقودها
ان ميل الميزان من قوم يمنا = صبرنا لها لوكان كبرت لهودها
وان ميل الميزان منا على العدا = نروي من السم السقطري كبودها
رسمنا الثلاث البيض في الجاهليه = واقرها الاسلام واثبت حدودها
من لاومن جاره فلا هو بمؤمن = واهل الشرف للجار تبذل جهودها
ومن لا اكرم اضيفان ما هو بمؤمن = واهل الكرم جادت على قيس جودها
ومن لا يعدي عن خويه بسيفه = خساره على سبلاه تسكن خدودها
ساهمت باابيات الشعر في محلها = مع جملة الشعار لا جت وفودها
نفخر باصالتنا ويفخر مليكنا = تحت راية التوحيد ثابت وجودها[/POEM]
وله ايضاً
[POEM="font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]سبحان من سبح له الحوت فالبحر = ومجري نصيبه فالبحار السود
والطير والارياح والشمس والقمر = تسبح بحمد الخالق المعبود
يارب تغفر لي ذنوب جنيتها = واشهد على روحي بغير شهود
عبدك عصى واذنب ويرجى السموحه = وفضلك وجودك ما لهن حدود
ويا جاهل الدنياترى الموت حاصل = ماحدٍ تعدى يومه الموعود
ما تنفع العزوه ليا زلت القدم = ومن طاح راح ولا عنه منشود
وانا سبب مابي وماجاء وما جرى = همٍ يولع فالضمير وقود
وليا بغيت ارتاح لو ربع ساعه = هواجيس فكري صادره وورود
وان قلت يا قلب اطرد الهم بالنجم = واصبر عسى ايام الجميل تعود
قام يتزايد واوقد النار فالحشا = نارٍ يولعها بغير زنود
وطرفٍ يحرب النوم ويحالف السهر = يرعى الكواكب والعباد رقود
ياهل ترى هل من سهر غير ما مضى = وهمٍ على طول الدهر ممدود
او تستريح الروح ويزول ما بها = من الهم والاحزان والمنقود
فلسطين تدعينا مساها صباحها = والجسم عاري والامن مفقود
تبكي بعد ماصابها من زمانها = من يوم فيها نازلين يهود
يا معشر الاسلام اجيبوا نداها = وقوموا على وضح النقا المجرود
اغيروا على اسرائيل من كل جانب = بنمر السرايا واشهب البارود
واحيطوا بهم عشية او ضحاها = وخلوه يا حاوي ويا مردود
لاترتجون الامن من مجلس الامن = امنه زبيبه في ذنبها عود
ان كان ما ذدنا عن الحوض بالقنا = ضمينا ويروى من قناه يذود
وان كان ما خضنا الدماء في ربوعها = وإلأ فلا حنا عراب جدود[/POEM]
وله في المقناص
[POEM="font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]هاج الضمير اللي بالامثال مطواع = ولاهو بغاوي في سمان التماثيل
يسوقنه سوق عجلات الاقطاع =ان وردها من بعيد المحاويل
جانى كلام زبدته تبرى الاوجاع =تشفى الكبود من دون كشف وتحليل
من عندحركال بالمد والصاع =بالعرف والمعروف يفى المكاييل
وان عدوا الشعار فىكل الوضاع =هرجه ذهب من يسمعه قال تكميل
حر لصعبات المحريف صناع = وتمشى على معنى ومبنى وتبتيل
وذكرتناالمقناص والقلب جزاع = وخوت رجال نشاما حلاحيل
مايخربون الراى هايش وفراغ = والعلم قرضة ملح فوق المعاميل
ودليلة الرحله صميدع وبتاع =عنده شهادة عرف قدوتفصيل
وان جاء توال الليل والصبح مانزاع =قال اتزلوا وابااشعل النارتشعيل
وتطلقوا للهيش كاسر وقطاع= وسمعوا لهم صوت مكبر وتهليل
وفزوا كما البارود عجلين فى ساع =وصلوا مع اللى رتل القول ترتيل
وقحص لبيب واوقد النار بولاع= ماهوا من اللى يسحبون الدهاميل
حمس جديد وصار للنجر لعلاع = والهيل فوقه زعفران وقرنفيل
وجاء مثل دم الجوف من فوق الاصباع =وناشوا معالمصفاه تمر مذابيل
والقرص بروفوقه السمن نقاع= شغل العذارا لابسات الخلاخيل
وجات السوالف بين راوى وبداع= كلام احلى من حليب المباهيل
مشرهه مادارها كل رعراع =في واديٍ مسقيه وابل المخاييل
وعلومهم ما راحت انصاف وارباع =يمشون صف ويطلبون التساهيل
واول سعدهم صيدهم تسع اتباع =وثلاث صادوهن جوف المداحيل
فى ديرة جاها من الوسم هماع = وارض خلاء ماعجفوها النزازيل
قالوا نباالمقيال والخطر وساع =مقناصنا ماهوب للصيد تنكيل
نمشى على خبره ودبره وتوقاع =وجميع ما شفناها معنا مقاتيل
والاصايل جاء لهنه تزلواع= يكن خبط ايمانهنه معاويل
واثر الخزز خابر فعوله ليافاع =يبا يعرضهن الحفى والمصاقيل
وهدن رايه ماتعدن الاقشاع = اللى يباها فى طريقه زهاليل
وصدوا على سرح فياياه شراع = وبطحا نضيفه برحتهاالمساييل[/POEM]
وله الكثير من المحاورات معا كبار شعراء عصره
من ضمنها محاوراه معا الشاعر عبد الله المسعودي يرحمهم الله جميع
عبد الله المسعودي
[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]سرى الليل ياساري على نور كشاف=طفت لمبة الكشاف والليل ساري
بعد قلت تكفى غير القاف بالقاف=اكيل العدا وليا وليت ابا اداري[/POEM]
ثواب بن طنف
[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]سرى الليل ياساري ثقيلات وخفاف=احسبك معي واثرك يطراك طاري
ترى ما يمح البحر عشرين مغراف=حذاري يجني غير ما اطلب حذاري[/POEM]
عبد الله المسعودي
[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]انا لو ابا وصفك وش كثر الاوصاف=لقيتك مشكل مثل رز البخاري
الايام ماترضي عتيبه والاشراف=ودق المعاني مثل دق الشباري[/POEM]
ثواب بن طنف
[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لو اقرا على قلبك من الميم والكاف=خبطتك كما خبط الصقر للحباري
لكن انت لك ميقاف وثياب نظاف=ولو كنت داري قلت ماني بداري[/POEM]
عبد الله المسعودي
[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]بسيطه بسيطه ياصقر ريشك انتاف=وانا رجل شبه بالحباري لغاري
قريص الحنش شالوه في وسط الاسعاف=على شفة الحفره وهاك المحاري[/POEM]
|