منتديات المرقاب الأدبية - عرض مشاركة واحدة

03-05-2007, 01:47 AM

السلام عليكم ورحمة الله وبركاته ..

وصلتني ايضاً .. هذه الرسالة على الإيميل ..

السلام علكيم ورحمه الله وبركاته
جميع عبارات المدح والثناء لاتوفي المرقابيين حقهم مانقول الا بيض الله أوجيهكم
وبيض اله وجهك على الموضوع يابونايف

هذي قصايد للشاعر خالد الكسر المرشدي

[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]البارحـة يـوم الاوادم مـرشـه=عيـت عيونـي تستلـذ الفراشـي
ويامل قلـب طـول البيـن غشـه=والحـال ممـا بالفـواد متلاشـي
عليك ياللـي زرع قلبـي يحشـه=من عقب ماهو بين الاضلاع ناشي
حش الدبـا لقصـار زرع يدشـه=رهوم كتفي علـى القـاع راشـي
يـاروع يازملـوق عشـب بدشـه=غاذيه من غر السحايب رشاشـي
زولك صغير وقمت عنـا تخشـه=وقصرت رجلك ياقليـل المماشـي
يا ورع عطني من ثنايـاك نشـه=لوبس من حمر البراطم نواشـي
ترى الدسم يكفي منـه ذوق مشـه=والهزل مانبغاه لـو هـو بلاشـي
هرجك على قلبي نقاريـش طشـه=احلى من الما للقلـوب العطاشـي
والبيض غيرك مثل حوش المقشـه=وايا غزال الريـم واي الخشاشـي
ورع صغير وشـد قلبـي وهشـه=هش الهواء ارض على جال طاشي
واو مابي اوماي العصـا بالمنشـه=او ماي هجـن يبعـدن المعاشـي [/POEM]

وله أيضا

[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا مل قلب بين الاضـلاع ماجـي=موجة خفيف الريش في يوم عجه
ونة قريص مالقـوا لـه علاجـي=سم الحنش من عكف الانياب مجه
وعزاه ياقلـب طـواه الخلاجـي=ولا بان له من غض الانهاد حجـه
لو حاصل بينـي وبينـه مناجـيس=والف طرفه علـى غيـر لجـه
خلي ثقيل القلب ماهـو رواجـي=قطع النزاع اليا حصل فيه سجـه
ماقيل يوم بيـوت الادنيـن داجـي=والا الي النـزل المقابـل توجـه
والخد براق سـرى لـه لعاجـي=يسلب طمان القـاع سيلـه يخجـه
واليا نظرت لجبهتـه والحجاجـي=نون بحرف الزاج بالحبـر زجـه
قبل احسبنـي سالـم منـه ناجـي=واثره رمانـي بالعيـون الملجـه
عين العنود اللي تـرب الزراجـي=خزت وفزت واعرضت عقب هجه
ايا شـراب الزنعبـوط الهماجـي=ويا المطر قبل الرواعـي ترجـه
وعزي لمن مثلي لمثلـه يراجـي=وعليه قفل الباب عسـر ٍ مهجـه [/POEM]

وله أيضا

[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الله مـن قلـب نهيتـه ولا طــاعي=لعب به الهاجوس لعـب المنازيـع
متحير بامره غـدى شملـه امـزاع=صبر جميل ويرجع القلـب ويطيـع
قفى تجره خاضبت روس الاصباع=ام الثمـان الضيـقـات اللوامـيـع
خلي من الخفرات ماهيـب مهبـاع=ولا هي من السرد الطوال النعانيـع
وقرونها من فوق الامتـان شـراع=مثل العسب فـوق الودايـا مهانيـع
بطن العسيف مجاذبت طول الابواع=ركابهـا دايـم يتـل المصـاريـع
ما شذبت بالزود طـراف الاكـواع=لا صكن العيرات تسبق على الريـع
لا شفت زوله يوجف القلب مرتـاع=لو ما حصل لي من قبالـه منافيـع
عيوابهـا عنـي قليليـن الاسنـاع=اسباب ساس البغض ماهم طماميـع
ادعي عليهم والدعا حـذف مقـلاع=اعو معي عسى تصيـب المقاليـع
ارجي عساهم من الروس الاشعـاع=ذريـة مـن محكمـات المصانيـع
دخانها مثل القبيسـي اليـا انـداع=تاخذ على طرافهـم بضـع اسابيـع
تلقـا الاوادم هاجميـن وصــراع=بس الجماجـم كالزبيـدي مصاليـع
والا عساهـم مزنـة نوهـا مـاع=من مزنة ينـزل بردهـا صواميـع
عديمة ما ضاح بـه شـوف لمـاع=يسوقها الغربـي وشرقـي روابيـع
ينكر هواه ومزنها يضـرب القـاع=ترمي عليكم كبـر روس المرابيـع
يسج فيهـا القلـب منهـم ويرتـاع=منها تضيـع افكارهـم والمراميـع
يعذر بغالـي سلعتـه كـل طمـاع=وتذهل عن المرضع قلوب المواضيع
تأخذ ثلاث اسبوع والمـزن مامـاع=والسيل حايـر مـا لقالـه مطاليـع
واليا غدو مثل الطفل والنسم ضـاع=يفتـح لهـم بالقـاع درب وبواليـع
هفت غريق الموج من غير مرجاع=من فوقهم سبع الاراضي شواميـع
تضرب بهم صف على كل الاسواع=وتشهر بهم كل المحطـات وتذيـع[/POEM]

============
هذه قصايد لشاعر فيحان بن ثمر الرقاص الحافي

[POEM="font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]واهني من زرفلت به بكرة حره=معطن مزاليج ولا معطن الجودي
وأقفى عن الهاجري وابعد عن المره=لو مالقينا على الاجواد منقودي
ربعي عتيبه من العارض ليا الحره=سقم المعادي ليا جا العلم مردودي
والعلم الاخر ليا عقبوا على الجره=والسبر جاهم من اللي قدم مطرودي
صاح المصيح وركبوا كل حزبره=ثم ثار عج الرمك وازتاد بارودي
يوم عبوس نشوف الشمس محمره=والشيخ ينخى هل العادات بفنودي
هذي طريحه تزر الدم وتثره=وهذي قلاعه والاخرى تصقل العودي
لعيون من حبنا واللي لحق شره=فعلن يداودي كبود ويجرح كبودي[/POEM]

وله أيضا

[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يقول حافيا مولع ومولاع=جايه من الدنيا هموم وغرابيل
منه الضمير وواهج القلب يلاع=كما يلوع الشعف لدن السنابيل
ياراكب اربع ربع من عقب مرباع=شعل شمعليات رمل مراميل
فج مناكبهن علن لمـس الأقواع=يعرج بهـن إليـا عطـن المداهيل
خضع الرقاب ومشيهن بالتخواع=قطم الفخوذ لحومهنه معازيل
عصو عصاو وبالعصا عصو وأطواع=ومربعات في سجا كلهن حيل
مافوقهن الا الجواعد والانطاع=وعيال في مسرى الغداري دواليل
تقللوا من ديرة المد والصاع=دار بخيله مير أهلـها مشاكيل
إلهن صلاة الصبح بغثاه منشاع=منشاع مرميات خطو المغازيل
والدرب من بين العرايس ليا تاع=والعصر يم الخنفسيه مخاليل
انصو فريدة شعر من حيث الاسناع=وماجذبكم شوف مد الدرابيل
لازم يطالعكم مـع اللـيل لـماع=نارا يقرب جمرها للمعاميل
اول شببكم خمس طبخات اتباع=برية مابهرت بالزبنجيل
وبيت يشيد يوم حلو بالاسراع=بيـت لشراب القهاوي مداهيل
ونجـر يلجلج والمخاليـق هـجاع=تلقى رويمـي يقرعـه تالي الليل
ومجـالس ماقطعـت بالتلـمـاع=من جاء محيا به ومن راح ماسيل
في ضف ابو نايف حمى قاصر الباع=يوم الخفاف يجانبون الزماميل
يلوذبـه مـن كـان ميـس ومرتـاع=لـن رفّعـوا لقطيـهـن المساحـيـل
ولا الغفيلـي بسلـة الهـند قـطـاع=سيف مصقل مـن خيـار المصاقيـل
حـواف للاعـداء وفـارس وقـطـاع=وحـزام بالكربـه وبالصبـر حلحيـل
وبن خنيصر في ضحى الكـون بيـاع=يهـوي عليهـم مثـل طيـر النبابيـل
وغيره ليـا شـاف المساييـر شـواع=ويفرق اللـي يلزمـه مـن محاصيـل
ماهـو معيثـيـر خبـيـل وقـبـاع=وإن جاك في وسط المجالس ليـا فيـل
وفيهم ترى ابن التوم للهجـن مـزواع=ربعي ذوي ربعـي كـرام ومشاكيـل
إرجـال عــرف وللـديـن تـبـاع=وعيات لغصون البلنزي نواتـيـل
إمخضبـه بايمانهـم كــل مـسـواع=للريـم فــوق أرقابهـنـه عرابـيـل
غازي وضيف الله على كـل الانـواع=ربع علـى كثـر الخسـاره مراحيـل
ومعجب عشير إمخوتمت عشر الأصباع=وابو سنـد منساه ذيـب الرياجيـل
ثم انصوا اللي رفقتـه تبـر الاوجـاع=برجس سعد قلبـي ليـا ضـده الشيـل
ومن عقب برجس درجوا لاخو هـزاع=فازع حديـد الهنـد عطـب المواشيـل
وباق العرب صدقان لكـن إلي نـاع=ماكـلاتعبلـه أركـان ومراسـيـل
مايبهج الضميـان ضحضاحـة القـاع=ولايبـرد الحـسّـات زود التعاليـل
ولاواحـد ٍ جـايـز بلـيّـا تمـتـاع=ولاوداي يخضـر جنابـه بلا سيـل
[/POEM]
وله أيضا

[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياعين لك بالهوى لفته =مانتى على دين الاخواني
هو معجبك واحد شفته =عوده من الزين رياني
شفته وحفته ووالفته =شد المعاليق وابكاني
الاوله ليت ماشفته =والثانيه ليت ماجاني
والثالثه يوم واجهته =اخذ قلبي وبكاني
والكحل فى العين سايحته =كن الهدب ريش غرباني [/POEM]

وله أيضا

[POEM="font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يالجتـي لجـلاج ذيـب عوويـا=يوعي النيام اللي هواجيع بعـواه
يقنب ليا مـن العبـاد أهجعويـا=لجت طلوعه وازرق الجوع قزاه
هيض علي هاجسي في الخلويـا=هاجس بعد هوجست به قلت الاواه
بنيت بيتا من البيـوت الهوويـا=بيت طويل ولا اعمس البال مبناه
واليا ان قلب الود فيـه السحويـا=يدري الذنوب وبيـح الله خفايـاه
ياراكب اللـي يقطعـن الدهويـا=ستين عـد احسابهـم ماغوينـاه
امـلاط مابردوفهـن اردفـويـا=والكل منهن تسعة اشهـر معفـاه
يمشون بالاثنين يـوم اسرحويـا=والحول هو ميعادهـم بالموافـاه
اهل اربـع يـم الحـوم سندويـا=يوم الحرم كل من الناس ينصـاه
ويودعونـه كـان هـم مالقويـا=ويطق لي بالتيـل ويشـوف رداه [/POEM]

وله أيضا
[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الا مخون الدنيا تمنـي وتـرم أسبـاب=تلبس لعاشقها وهـي زوجـة ابليسـي
وقد حـذرو عنهـا الفقـه والألبـاب=كلت رقبلنا ربـع ٍ عليهـا معاريسـي
ويالابس الاولس وراسك مشط بخضاب=أبحني واناابيحك ترى الرأس قدريسـي
رمابي عديم الرأي في ماقع الأنشـاب=وأنا مؤمن بالقـدر والستـر تونيسـي
ولا همي الا عبرتـي داخـل الدبـاب=ومن عبرتي بكيـت كـل المحابيسـي
هذا عقب كيف وماوة ٍ تشغب الطراب=وأنا بين ربعـي كاسبيـن النواميسـي
ونركب على قبن نقلهن هذيـل ذيـاب=شخلهن مـع التشويـل در المعابيسـي
مقالدهن دقاقات وضهورهـن حضـاب=مناب القطـي ومحقنـات المنافيسـي
ليا غثرب الصايح ولا ذبهـن الركـاب=خطرهن على الناغور والا المضاريسي
عليهن غياهب روق وان حلت الأكراب=ضوارن نهار الضيق جدع الملابيسـي
ونرم العشاء للطير من عيل الأجنـاب=باطاريف شولاً يرتع القفر مـا ديسـي
ونشهر بعزوتنا بعد نعرف المضـارب=ويروحـن منـا يصقلـن المناسيسـي
وربعن ورانا فارقو شوفـة الأحبـاب=عشاً للنصـور وحزمهـم للمفاليسـي
وننقل من الصلفات ما يشعل الأصواب=غد ً من مقي الريم مثـل المحاسيسـي
ويا واهب التوبه على مذنباً مـا تـاب=برحمتك يقلع عـن جميـع التدانيسـي
ذنوبه بلوح الحفظ مصطـورة ٍ بكتـاب=لو أنه كتبها مـا اخذتهـا القراطيسـي [/POEM]

والسلام عليكم ورحمة الله وبركاته
اخوكم
نايف الحافي