عبدالله بن قنيص

ابطيت بها يابو براك


عزّ الله انّي منوّل فـي رحـاب وسعـه
مرتاح ، ماجبت للحـب ومجالـه خبـر
حايدت فـي موقفـي لاضـدّه ولا معـه
والعبره انّي من احـداث الحيـاه أعتبـر
لين اعترض من بذر حبّ الهوى وزرعه
في وسط قلبٍ يدبّر فيه ..عبـث الدبّـر
يلعب بقلبي سـوات السلسلـه باصبعـه
كنّه معه صك من صدري ، شبر في شبر
طاغي وباغي وصغـر السّـن مايمنعـه
ويعرف يستهوي العقـال مـن هالكبـر
انا اشهـد انّـه طعنّـي طعنـةٍ موجعـه
من ليل فرقـاه وهمومـي عليّـه زبـر
ماغير ادوّر خيالـه ويـن هـو واتبعـه
واحط له فوق مشـراف المحبّـه سبـر
حبل الرّجى حدّ موس اليـاس مايقطعـه
والبعد ، للعاشـق المقيـاس والمختبـر
ويمكنّي أصبر ثـلاث أيـام ولا أربعـه
لكن غيبة شهـر مانيـب ويّـا الصبـر
امّـا يعـوّد علـي وشملـنـا يجمـعـه
ولا ذبحني بهجـره مثـل ذبـح الجبـر


ياسلام ياسلام
كان لي شرف سماعها ذات يوم لله درك
عزالله انك تقطع ضمى الذايقه المتعطشه


سجلني من اشد المتابعين لك
وسلامي عليك

!!

.
.