بسم الله الرحمن الرحيم
وصلي على محمد وعلى اله

السلام عليكم
وسعد الله اوقاتكم

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]بغيتك البارحه تقطف وتعطيني=من واحةٍ في عيون العشق خلاّبه
وعلى رحابة معاريفك تمسِّيني=والليل يضْفي عليّ بطيب جلبابه
لكنك احيان ما تابه تخلـِّيني=في ذمة الهجر معْ نابه ومخلابه
أصغيت كلي أمل انك تحاكيني=وأقفيت ما بان لي منك وَلا جابه
صمْتك ولو عَزّ من عينك يدرِّيني=انك تبي تقول ما في حلقي طـْلابه
العذر لو هان من خاطرْك يكفيني=أعيش به ساعةٍ بالعمْر وألهى به
صبْح الشقا يبعث اسرابه ويشـْقِيني=غبّ الجفا وافقد اعصابي من اسبابه
يا حلوَة الطرْق يا اعذب من يغنـِّيني=يا ملح حرفٍ خذاه الشوق كتـّابه
تجمّلي واجبري كسْري وواسيني=ما للوفا غير اهَله اللي تحلـّى به
غموضك الواضح بْحالي يسلـِّيني=لا شاد لحنه من اعماقي وغنـَّى به
ياخذني آفاق عنْ غيري ويغـْنيني=من صومعة فكـْرة الجاهل ومحرابه
من جُوده الصبّ مغـْرقني ومطـْغيني=ومعَ اختلافه لقيت الكلّ متشابه
عرفته العطف في عسْري وفي ليني=ومجبور احبه واحبه واكسب اعجابه
إنْ نام قلبي توصّى به نظر عيني=وانْ نامت العين عنـّه قلبي اولى به
لومه عَليّ انْ توسّط في شراييني=انْ ما حضنته وفاح المسْك باسلابه
ولومي عليه انْ ندَهْت وكان يوحيني=ما هَبّ نجده لقلبي وأطرب احبابه
يا صاحبي غلطتك ما عاد تعنيني=لوّ الغلط فيك ما احبّه وَلا ارضى به
ابكلّ وسْعِي ومقدوري وما فيني=حاولت اسوِّيك شيٍّ يُحْسَب حسابه
وأطغيت نفسك خيال وجيت تهْدِيني=من زوبعة عقلك المثقوب وكتابه
وعلى مضض من أسف ما عاد يمديني=إصلاح ما أفسده جهلك وما عابه
بس لا تحاول تسمّعني وتؤْذيني=يَخلف على الشعْر واللي فكّ لك بابه

__________________[/POEM]