بغيتك البارحه تقطف وتعطيني
من واحةٍ في عيون العشق خلاّبه
وعلى رحابة معاريفك تمسِّيني
والليل يضْفي عليّ بطيب جلبابه
لكنك احيان ما تابه تخلِّيني
في ذمة الهجر معْ نابه ومخلابه
أصغيت كلي أمل انك تحاكيني
وأقفيت ما بان لي منك وَلا جابه
صمْتك ولو عَزّ من عينك يدرِّيني
انك تبي تقول ما في حلقي طْلابه
العذر لو هان من خاطرْك يكفيني
أعيش به ساعةٍ بالعمْر وألهى به
صبْح الشقا يبعث اسرابه ويشْقِيني
غبّ الجفا وافقد اعصابي من اسبابه
يا حلوَة الطرْق يا اعذب من يغنِّيني
يا ملح حرفٍ خذاه الشوق كتّابه
تجمّلي واجبري كسْري وواسيني
ما للوفا غير اهَله اللي تحلّى به
غموضك الواضح بْحالي يسلِّيني
لا شاد لحنه من اعماقي وغنَّى به
ياخذني آفاق عنْ غيري ويغْنيني
من صومعة فكْرة الجاهل ومحرابه
من جُوده الصبّ مغْرقني ومطْغيني
ومعَ اختلافه لقيت الكلّ متشابه
عرفته العطف في عسْري وفي ليني
ومجبور احبه واحبه واكسب اعجابه
إنْ نام قلبي توصّى به نظر عيني
وانْ نامت العين عنّه قلبي اولى به
لومه عَليّ انْ توسّط في شراييني
انْ ما حضنته وفاح المسْك باسلابه
ولومي عليه انْ ندَهْت وكان يوحيني
ما هَبّ نجده لقلبي وأطرب احبابه
يا صاحبي غلطتك ما عاد تعنيني
لوّ الغلط فيك ما احبّه وَلا ارضى به
ابكلّ وسْعِي ومقدوري وما فيني
حاولت اسوِّيك شيٍّ يُحْسَب حسابه
وأطغيت نفسك خيال وجيت تهْدِيني
من زوبعة عقلك المثقوب وكتابه
وعلى مضض من أسف ما عاد يمديني
إصلاح ما أفسده جهلك وما عابه
بس لا تحاول تسمّعني وتؤْذيني
يَخلف على الشعْر واللي فكّ لك بابه
اللهم صلي علي محمد
الله
الله الله
الله الله الله
الله الله الله الله
الله الله الله الله الله
الله الله الله الله
الله الله الله
الله الله
الله
ياخالد
شاااااعر تستحق المتابعه
اعجابي ومتابعتي وتحياتي طال عمرك
|