السلام عليكم ،

تعبير متواضع لعله مقبول ، سائلين الله ان يتجاوز عن عبده الامير / عبدالمجيد بن عبدالعزيز رحمه الله واسكنه مع عباده الأبرار .


[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]لي ثلاث ليال والحال عيـّا لا يهيد=أطوي أنفاسي وأشم الهوى وأفلّها

كيف أعبرّ والقريحه على بدع النشيد=كل ما جيت أبني البيت قالت خلّها !

حزني أكبر من مثايل وتعبير وقصيد=مير أبحاول ولعلّها .. لعلّها

وصلت الأخبار ماجابها ساعي بريد=الخطوب تجوب والمعتبر يفطن لّها

ضاعت علومي بعد صابني علم ٍ وكيد=فج صدري لين ضيّع علومي كلّها

ما بقا من دمع عيني بعد شبّت وقيد=غير دمعه ناشبه ما قدرت أهلّها

يا ولي العرش سبحانك الرب الحميد=نحمدك ونفوسنا خاضعه من ذلّها

وحدك المعبود والواحد ورب العبيد=لو تشيب الملحده تلحد لربّ ٍ لّها

حكمتك تقضي بها ما تشاء وماتريد=بأمرك حبال ٍ تعقّد وبأمرك حلّها

مير يا الرب المجيد ألطف بعبد المجيد=لا تخلّي رحمتك ينحرم من ظلّها

عبدك وخادم بيوتك وسبحانك شهيد=كم سيوف ٍ دون حرمة بيوتك سلّها

يوم راحت للتحديّ معه قلب ٍ حديد=ما تراجع والمرامي يبى ياصلّ لها

قال عندي واتركوها لو الحسبه تزيد=خدمة الحجاج من دقّها لا جلّها

أمّن اللي حجّ لك من قريب ومن بعيد=وحارب عداك وعساها تموت بغلّها

تحت سطوة هيبته ما بقا منهم شريد=الكبود المبغضه بالذحاح يعلّها

من ولاة الأمر بالخير والراي السديد=راهن ٍ نفسه وفعل الجمايل دلّها

والله أنـّا .. ما نزكيـّه لكنّه فقيد =هكذا والفقد حط القلوب وشلّها

نسألك يا جامع الخلق في يوم الوعيد=يشمله عفوك وتغفر ذنوبه كلّها

يا عساك لجنـّة الخلد يا عبدالمجيد=والله يصبرّ قلوب ٍ غيابك علّها[/POEM]


وسلمتوا ،،