السلام عليكم ورحمة الله وبركاته


اخوي الشاعر المبدع .. محمد بن مريبد العازمي

دائما أريد ان اسال عن القصيدة الاخيرة ..
الشاعر ان طاحت اخلاقة يعد اكبر غبي ...

بحثت عنها بالمرقاب .. وحصلتها على الرابط هنا ..
http://montada.mergab.com/showthread.php?t=23269




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
صدفه بلا ميعاد سابق من مطار ابو ظبي=حطت مراكيب الغرام اللي تشد ارحالها
وقفت لي في موقف(ن)محرج وانا الحر الابي=اللي حمول الوقت لاثقلت عليه اشتالها
قوي باسي لاحني راسي ولاارخي منكبي=واللي عقد روس الحبال يحل روس احبالها
من عادني بأول اسنين العمر مااعرف احبي=ارقى واروم المرجله واتعب لها واسعى لها
واصبر ولو تحرمني الايام كل اللي ابي=واعيش يومي والاماني شارب(ن) فنجالها
صدفه اخير من الوعد والحجز مغلق من دبي=قلنا نروح ابو ظبي ويحلها حلالها
وقابلت من لالبست البرقع ولالبست عبي=غنّت لها الدنيا وانا اغني على موالها
استغفر الله من يلوم ابليس وابليس يهبي=لوحط سهمه بين حاجب عينها وظلالها
المشكله انه عريف وامره ياتونسي يامغربي=امن نسائي والعرب متشابهه باشكالها
قلت اشهدوا ان لااله الاالله ومحمد نبي=والله يرحم حالتي والله يرحم حالها[/poem]




تغير مجرى القصيدة وتغيرت معانيها ..

[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]صدفة بلا ميعاد سابق مـن مطـار ابـو ظبـي=حطت مراكيـب الغـرام اللـي تشـد ارحالهـا
وقفت لي في موقف محرج وانـا الحـر الابـي=اللـي يفكـر فـي مخارجهـا قبـل مدخالـهـا
اشيل ماشال الجمل وابرك علـى روس اركبـي=واقـوم بحمـول الزمـان اخفافهـا واثقالـهـا
وصكات بقعا لاحنت راسي ولاارخـت منكبـي=لوقصـرت هيبـة اسـود الغـاب دون اشبالهـا
من عادني باول اسنين العمـر ماعـرف احبـي=ارقى واروم المرجلـة واتعـب لهـا واسعالهـا
واصبر ولو تحرمنـي الايـام كـل اللـي ابـي=واعيـش يومـي والامانـي شـارب فنجالـهـا
والعذر ياللي مالعنـت ابليـس وابليـس يهبـي=ماني من اللـي أي فرصـة يحسـن استغلالهـا
مازلت اخطـط للمعالـي والكـرة فـي ملعبـي=ومازلت ماشـي والمسافـة ماحسبـت اميالهـا
ولايمكـن الاعـلام والشهـرة تغيـر مذهبـي=وان غيرتنـي لابـو الشهـرة ولابـو حالـهـا
شاعر وامثـل ديرتـي مـن مشرقـي لمغربـي=والنـار مـن شبابهـا والخيـل مـن خيالـهـا
الهزل مالي فيـه والجـد مـن دقنـي واشنبـي=وارفع مقامي من علوم المهزلـة وارسـى لهـا
والشاعر اللي طاحت اخلاقه يعـد اكبـر غبـي=ياكثـر شعـارن تسـاوى اقفايـهـا واقبالـهـا
لن الشعر في عصرنا والاقبـل عصـر النبـي=رسالـة تحمـل صفـات اسلافـهـا لجيالـهـا
موقف حصل وانا استفدت وعارف وش مكسبـي=والمستمـع مالـه بـدق السالـفـة وجلالـهـا
سلام من شاطئ الخليج الـى المحيـط اليعربـي=للديرة اللـي مالحـق ضيـم الزمـان اعيالهـا
ديرة هل العوجـا وسمـي يالمعالـي واشربـي=الشجرة اللي كـل ابونـا تحـت ظـل اظلالهـا
الديـرة اللـي حبهـا سابـي معاليقـي سـبـي=هذي بـلادي وافتخـر فـي اسهولهـا وجبالهـا
ان كنت في أرض الرياض او كنت في دار الظبي=لاافتخـرت ابهـا رميـت عمامتـي وعقالـهـا [/POEM]




سؤالي ... مالسبب خلف تغير مجرى القصيدة .. !

توضيح فقط ..


تقديري ..لك وإعجابي الدائم

اخوك ابو نايف