[POEM="font="Simplified Arabic,4,orange,bold,italic" bkcolor="black" bkimage="backgrounds/23.gif" border="solid,4,darkblue" type=2 line=0 align=center use=sp num="0,black""]الا ليت الزمان اللي مضى ياصاحبي ينعاد=وانا وشلون اعيد اللي مضى وشلون ينعادي

سهرت الليل انا والليل والبارق مع الرعاد.. وانا في داخلي برق يلوح وصوت رعادي

ذكرت ايامي الحلوه مع المصدار والميراد=ولا المصدار مصداري ولا الميراد ميرادي

اهيم ابعالم الذكرى وادور للعلوم اسناد=سلام الله على ذاك الزمان وضيًع اسنادي

اجر الصوت في ليلي وناسٍ لشعر نقاد=وانا ماهمني بعض البشر حاسد ونقادي

ليا ضاقت بي الدنيا سرحت ابعالم الحساد=واشوف اللي يعاندني وازيد اعناد بعنادي

واجيب امن البحور المظلمه درًه بلا ميعاد=واعرف الدًر لاجبته يضًيق صدر حسادي

صغير بعين حسادي كبير بنظرة الاجواد=طموحٍ واطلب العليا واقدًر ملحي وزادي

عريب وكلمتي وحده عريب امعرًب الاجداد=سلام الله على جدي امير وحافظ اجدادي

وانا ما ضيًع اجدادي ولو ان السيوف احداد=وبعض الناس بين الناس سردادي ومردادي

على التقدير اقدرًها واعرف الجود لو ماجاد=وانا كفيت في جودي ولو الجود ماجادي

قدح زندي وانا توًي شبابٍ مايهاب ازناد=علي الله مهاب الا من الرحمن وزنادي

ثمود وعاد من قبلي وفي وقتي ثمود وعاد=وانا مشره على وقتي ليا عاد الزمن غادي

وهبت الشعر من ربي ورزق الله بليا عناد=يجيك الرزق لو دونك بروجٍ عوج ينقادي

يزيد الشعر في صدري ليا دن الشعر يزداد=واهيم الليل في وادي ولا ضيًعت لي وادي

وكاد اني لقيت اللي لقيت ودقت الاوتاد= وانا مثل الوتد ثابت في قلب الفين حسادي[/POEM]

sha3r11@hotmail.com

شاعر الملحمه السومريه

( 1000 بيت )