[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]‘‘ ‘‘ ‘‘

أنا والروابـع والقلـم والرضـا والغيـض=وصـدرٍ هواجيسـه علـى القـاف منتويـه

وليلٍ غدا من وحشته فـي حشـاي بغيـض= وكبـدٍ مـن عـدود الغرابـيـل مرتـويـه

سرينا على وضح النقـا والقلـوب البيـض =ولـوّ ان ظـروف الوقـت ماهـي بمستويـه

وكتبنا على بيض الورق من جـداد الهيـض=قرايـح خفـوق ٍ بالصـواديـف مكتـويـه

اجدّد الامل واقول قفّـت نجـوم القيـض= واسـوق القـدم والنفـس ماهـي بمهتويـه

اشوف السعد يضحك واشوف الدموع تفيض= ولا ادري وش نفـوس الرجاجيـل محتـويـه

يريض الشقا في الصدر والعمر كيف يريـض= تطـوف السنيـن وسكّـة الحـظ ملتـويـه

‘‘ ‘‘ ‘‘
[/POEM]