منتديات المرقاب الأدبية - عرض مشاركة واحدة

13-05-2007, 09:54 PM

المحبـه علـةٍ مـا لـهـا واقــي
وين قلبٍ ما اشتكى مـن خناجرهـا
خصّ لامن جت على المستواى الراقي
تشحـن الدمعـه وتهـدم محاجرهـا
صاحبـي والوقـت ماغيّـر اخلاقـي
ما آتذكّر كـان لـي عبـره انثرهـا
لا توهّقـني بها .. جعـلك (عِناقي )
كم لـي انهـاها وفرقـاك تامـرها
وانت قسمي بسـم قسّـام الارزاقـي
ذي حكاية ماجرالـي مـن آخرهـا
التوى فـي مهجتـي عقـد ميثاقـي
وانفلت شوقـي والاشـواق خابرهـا
تلهـب الرجـال ويـنـطّ الافـاقـي
مـا يخلّـي دبـرةٍ مــا يدبّـرهـا
لي زمانين آعدي ما انثنـى ساقـي
خيل حبـي لـك ماكلّـت حوافرهـا
قلت ابقرب منـك واطفـيّ اشواقـي
واثرهـا نـارٍ دعتنـي لمصـدرهـا
شبّت ضلوعي مثل شـبّ الاوراقـي
والهـوى الماخـوذ لاهـب جمّرهـا
عن جدار القلب مادري وش الباقـي
انس كم ضلـعٍ لهلحيـن خاسرهـا
البلا لـو تاصلـك داخـل اعماقـي
مـدّ يمنـى الوصل تكفا ووخـرهـا

لله در الإبداع و أهله