في مجلسي لو ماعندي من يحاكينـي
ماغير راسـي لحالـي واتصلمكبـه
اخير مـن شوفـة اللـي مايدانينـي
ليا شافني قـال هـذي والله النكبـه
مالله على بعـض هالعالـم بحادينـي
معطن ضعيف الجهد والرابعه ركبـه
والا الرفيق الوفي دينه علـى دينـي
اقـدره وافتخـر بــه واتمسكـبـه
اللي ليا شان وقتي في نظـر عينـي
يشيـل حمـل ردي العـزم يبركبـه
لقيت فالنـاس صاحيـن ومجانينـي
الصاحي اغليه والمجنون ماضحكبـه
وياقلب ياللي على الخـوه توصينـي
من جاز جزله ومن طنشـك مالكبـه
مالك ورى الناس لاحاجـه ولادينـي
والوقت ماهو على كيفـك تفرنكبـه
وماداد وقت الرخـا واجـد محبينـي
صاحبك وقـت الشدايـد لاتشككبـه
خله ولـي واحـد ماهـوب ناسينـي
ليا ضاعت علوم راع النصب والسكبه
ربـي جزيـل العطايـا مايخلينـي
والا العـرب تالـي الايـام منكبـه
صح لسانك ولاهنت يامرزوق
قصيدة وافيه وقافية متميزة .. لاهنت ولك كل التقدير
اخوك ابو نايف
|