منتديات المرقاب الأدبية - عرض مشاركة واحدة

#1 18-05-2007, 03:56 AM

محاورة عمالقه .,

جمعت بين العَلَمين :

ضيدان بن قضعان , سعد بن جدلان

والمبدا عند ضيدان .,

يقول :

ضيدان ابن قضعان :

يامرحبا ياسعد بن جدلان في وسط الرياض
شمال برج الفيصليه شرق بـرج المملكـه
.
.
وردت للجمة ماعاد تلد عينـك للحيـاض
لكـن لا تلقـوا بأيديكـم بوسـط التهلكـه

سعد ابن جدلان :

دام البقا للشاعر الي مثل نور البرق ناض
رايك نبي رايك تعدينا عسى فيـه ابركـه
.
.
ترى اولو الألباب تدري بالسواد وبالبياض
والناس تستغرب ليا من صار بالدر احركه

ضيدان ابن قضعان :

ياليت منكم ثلاث اشخاص فالدنيا حظاظ
ماكان شفنا راعي الـرداد بيـده يفلكـه
.
.
لو قامت الدنيا بما فيها ودمع العين فاض
ملا يابن جذلان يعنيك انت جنب واتركه

سعد ابن جدلان :

الناس حتى عالم المريخ تلحقه اعتـراض
الي يسوي للسمك سنار والطيـر اشبكـه
.
.
اجمالنا عقب الربيع الزين في هاك الفياض
قامت تحن وكل واحـد ماتـدّى مبركـه

ضيدان ابن قضعان :

يابو محمد والله ان النبي أخير من النقاض
ماودي أغديك ربيانـه وأعشيـك سمكـه
.
.
عسى الجمال الي توديكم مناكبها عراض
تشرب من الجمة لو الماء ملح والدلو تنكه

سعد ابن جدلان :

ترى الضمير الحي ياضيدان سبة الأنتهاض
والمنطقه تنفد لبضايعهـا مـن المستهلكـه

أربها جازتلكم .؟