:
:

(( بدو )) .. لم ينتهوا .. !!
وقوف (( مازح )) على شغلات لازالت (( قائمه )) .. !!

أمزرها ثم ازرطها وأنا بوك .. جعل مايمزرني حررررك .. !!

الأب (( محماس )) يشجع أصغر عياله (( نجر )) على قطع (( هبرة لحمه )) في طرفها شحمه وبلعها ..
والنتيجه (( غص )) نجر وأغمي عليه .. !!
.. ـــــ ..

يابعيدي ماعينتي (( الهناه )) ابا أرتب بها (( الهنا )) .. ؟؟!!
هذي مزنه تسأل أمها عن شي ما ..
الغريب ان أمها فهمت ان بنتها تسأل عن (( الأبره )) علشان تخيط بها (( الثوب )) .. !!
.. ـــــ ..

جعله يطلع اطيب من أبوه .. !!
جعله يطلع اطيب من أبوه .. !!
جعله يطلع اطيب من أبوه .. !!
الربع يوم قاموا شبعانين من (( تمايم )) ولد واحد من ربعهم ..
طيب ودي أعرف هم جايين يهنئون أبو المولود والا يشتمونه .. ؟؟!!
.. ـــــ ..

صنت : تسيف الحال .. ؟؟
مسحل : طيب .. !!
مسحل : تسيف الحال .. ؟؟
صنت : طيب .. !!
صنت : تسيف الحال ..؟؟
مسحل : طيب .. !!
مسحل : تسيف الحال .. ؟؟
صنت : طيب .. !!
صنت ومسحل لهم عن بعض يومين واربع ساعات ..
تقابلوا وصار لهم نص ساعه وهم على هالموال يبدو أنه من زود (( الشوق )) .. !!
.. ـــــ ..

ان تسانك لقيت في فصلك (( حضري )) أخذه على شنق ثم (( لمّخه )) و (( غله )) وأخذ (( فسحته )) .. !!
هذا (( حبيليص )) يوصي أخوه الصغير (( رائد )) ابن الـ (( 6 )) سنوات الذي يستعد لدخول المدرسه ..
وطبعاً اسم (( رائد )) ليس من اسماء العائله ..
لكن (( ابوحبيليص )) مسميه على أسم ضابط داوم عندهم فتره وكان يرخص له ..
الغريب أن (( رائد )) اسم الرتبه وأن اسم الضابط (( عبدالله )) .. !!
وأبوحبيليص مادرى الى هالحين .. !!
.. ـــــ ..

20 مجاهيم
15 مغاتير
50 راس نجدي
20 راس نعيمي
10 معزا عارضيه
وايت
30 كيس شعير
خيمه عمودين

(( ابوحبيليص )) يحصر ممتلكاته و(( يقيّدها )) بعد ان أرغمته الحقوق المدنيه ..
على تسديد مديونياته الماليه .. !!
.. ـــــ ..