السلام عليكم


فيه ناس يستخدمون مصطلحات تعني لها معنى آخر لانهاء موضوع دون الكشف عن اسراره واغلب الاحيان تستخدم اسماء في غير مكانها واكثر اسم يستخدم هو - الرجال -


يعني اذكر شايب يقول لولده :- اخذ الرجال ووده صوب الرجال يعطيه قراطيسه أعجل علينا

والشايب قصده اخذ الشيك وده للبنك واصرفه لان الساعه 1.30 ما باقي الا نص ساعه ويسكر البنك


ولها استخدامات في كل مجال من مجال الحياه بالذات عند الشباب ..

وخذ من الامثله :


واحد يبي يسأل صديقه بعد ما جا من السوق هل شاهد صديقته ام لا ؟ تلقاه يقول له شفت الرجال ؟؟

والثاني يسأل رفيقه جنبه حمّضت الرجال ؟؟

واذا اثنين معهم واحد وصاروا على وشك هوشه فواحد يبي ينبّه الثاني ان معهم مشعاب والا عصا فيقول له ترى الرجال تحت السيت !!


واحد عند ابوه غدا وابوه قايله شفنا بننتظر فلان لين يجي وجات الساعه 2.30 وفلان ما جا والضيف موجود جا الولد عند الباب وقال يبه نغرف الرجال ؟؟



انتوا فهمتوا الرجال ؟