ليل يجمعنا بعطران الشـوارب ليـل عيـد كـان ذا ودّ الليـال وكــان ذا مـاودّهـا
انتواصـل بالسـلام وبالسوالـف والنشيـد دلـةٍ صبيتهـا ياحمـود عــوّد ردّهــا
خوّةٍ مابيـن ابـو شافـي وبيـن ابوفهيـد كسرة الكمبـود والجـاوي يذعـذع ندّهـا
جمل الله حال دعوة منبـع الـراي السديـد وجمّل الله حـال رجـلٍ دعوتـه ماردّهـا
احتزمنا يوم نادى الشيخ تركي بـن حميـد كلمته ما امـداه ينهيهـا ووصلـه ردّهـا
هكذا انّا في رخا الأيـام والوقـت الشديـد مزحها مازاد لو ربع شعـرة عـن جدّهـا
اجتماعٍ مـع عتيبـة يعتبـر عمـرٍ جديـد جمعةٍ تسوى كثيـر مـن السنيـن وكدّهـا
عـلّ والله ذكـر طلقيـن اليمانـي مايبيـد سالفـة ومحمـد الشرهـان قـام يعـدّهـا
معرفة شروى حمود من العرب كنز ورصيد ثروةٍ لو عدّها العـداد مـا اقطـب عدّهـا
ياسلام ياسلام الله يبيض وجهك
عزالله انك وقفت ووقفتك وقفة مرجله وشعر ونوماس وعلوم غانمه
كفو كفو ابدعت وعتيبه لطامة العايل ذباحة الحايل قبيله عزيزه على الجميع وكفو ويستاهلون المدح.
ويستاهلون المدح ابن شافي وابن فهيد ومن يفعل الطيب يلقى الطيب قدامه.
لاعجمت يالسبيعي وصح الله السانك وبيض الله وجهك بياض يشع مع كل ريع.
ودعتك الله
|