السلام عليكم ورحمة الله وبركاته
توي مسويها البارح وللتوضيح :
(( خالد )) ولد عمي
و(( ابن جروان )) أخو عزيز صار بيني وبينه موضوع جر القصيده هذي كلها
تقبلوها بكل عفويه

[POEM="font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يالهاجس المليان فالحال مطلوب= مطلوب وإن الله يعينك عليّه
فنجالك من الغيض بالقيض مشروب=إن كان طنخة راس ..والا حميه
ما ساع شب لواهج النار مشبوب=والقوم في الميدان والنار حيه
أما اصبح الصبح وجمل زيد مغلوب=والا على خصامه أدرج لْحيّه
يا خالد ليا راحت ضروب وحروب=فالسيف والبندق وظهر العبيه
وإن كان منت بناهبٍ فأنت منهوب=كذا المواقف من على الجاهليه
وانته من رجالٍ لها المدح منسوب=كم عيّدوا فالهوش عيد الضحيه
ابغاك في لزومي العجل مندوب=ذا الحين ما هو بكره ولا قفيه
لكل دقنٍ يابيض الوجه ماجوب= وماجوب (ابن جروان) حقٍ عليه
الحق ثبت الساس والراس منصوب=ويمنى تفيد الخير تقدر الأذيه
ما في مواقيف الرياجيل عذروب=الا على اللي يختلص في خويه
نسمع مثل قايل : ( مواعيد عرقوب)=وأثره طلع فالوقت هذا سميه
نفس الفعايل , والجبل يمكن يذوب=لو اكشف اللي حجته في يديه
لكن ما بأكشف ستر, والكفو محسوب=وتبقى الأخوه بيننا والحميه
ما هي غنيمه غتره ومشلح وثوب=لا فات من يدّك شداد المطيه
فإن كانها سمع ونظر عين وقلوب= عكّاش ماله حق ينطح طميه
وإن كانها يا دوب يا دوب يا دوب=فالله يابن جروان ولا هذيه
هذا وخذ من صافي الذوب مشروب=قناد راس من أول الشاذليه
قصيدةٍ عنوانها الطيب مكتوب=وميزانها سبحان رب البريه
ماني بأغنيها على كل مسحوب=ويجرها عدنان والا اوخيه
واسلم , وللعليا مناهيج ودروب=والا ترى الطايف يعرف الحويه[/POEM]