الله الله ياناصر
يروح العمر . وألا تقصـر الايّـام
نصيـبٍ كاتبـه ربّـي ؟ تقبّلـتـه
نهايـة فرحـتـي وإبـدايـة الالام
سبـب دربٍ مشيتـه ليـن كمّلتـه
تريّح يـا ضميـري والوعـد قـدّام
تـراك اشغلـت تفكيـري وبهذلتـه
على سيف الحقيقه شرهة الاحـلام
تثاقلـت الصحيـح او مـا تثاقلتـه
تراي انسان عادي لا غلطت .؟ انلام
وحملٍ فوق حملـي . مـا تحمّلتـه
حياتـي كلّهـا . علامـة إستفهـام
لو إن الضيق في صدري تجاهلتـه
تعوف النوم عيني والعمـوم إنيـام
جرحنـي واقـع أيّامـي وجاملتـه
سمحت وسامح اللّه مجمل الاوهـام
تقوّلني كلامٍ غصـب .؟ مـا قلتـه
تقول افطر لصار المسلمين إصيـام
وتلقـا لـك جميـلٍ مـا تجمّلـتـه
واقول ان كان نام الحظ وألا . قـام
وش الرجّال .. يسوى دون مرجلته
لو انّ القلب ميّت .. والعروق ايتام
لقيت الـخاطري مدهال . واشغلتـه
تباشير الفرح .. في تالي الاعـوام
شعورٍ جال في نفسـي .. وحلّلتـه
عساي القى منامي عقبهـا . وانـام
واطول اللي قدم عيني . ولا طلتـه
يروح العمر وألا .؟ تقصر الايّـام
نصيـبٍ . كاتبـه ربّـي .. تقبّلتـه
مبدع مبدع مبدع
صح الله لسانك يالغالي
ولاهنت
تقبّل اعجابي
|