.
.
الصمت روح الليل والليل لو طـال
طويت فيه اللي مضى واختصرتـه
ويبقى الامل وادي والاحلام مدهـال
وانت اجمل اللي بالحيـاة انتظرتـه
وطعم الكلام المرّ من قبـل ينقـال
حسبت الف احساب لـه واعتبرتـه
يا صاحبي مرّت على قلبي اهـوال
ولانفع صبـرٍ فـبعـدك صبرتـه
هذي ثلاث ايام والشـوق مـا زال
ينحت ضلوع العاشق اللي هجرتـه
مرّت بي الذكرى على ذيك الاطلال
وقعدت أحسّب كـل شـيٍ خسرتـه
وذابت بعيني من عنا حبك ( جبـال
دمعي ) وخفت امن العذول وسترته
انا وريث امجاد وسيـوف وابطـال
وفعلٍ ينومس لا طريـت وذكرتـه
ماهي بسهله .. اترك الدمع ينهـال
ولاهي بسهله .. يشمت اللي حقرتـه
ياصباح الشعر يا احمد
وياسلام عليك
مبدع
صح لسانك مليوون
ولاهنت
وافي يابو مروزق
.
|