المشاركة الأصلية كتبت بواسطة فالح الهاجري
عليك وجه الغرام ووجه طاروقـي
ماكل كلمـه تقـال انـك تصدقهـا
ترى البشر تنعمي بالحكي وتفوقـي
والـروس ماتنحنـي الا لخالقـهـا
شوفه..شحوبي عليك وتل معلوقـي
حقايـقٍ بينـت بـاقـي حقايقـهـا
ولو كل لحظه تعبر عن مدى شوقي
عقارب الساعـه بترهـق دقايقهـا
على وعد غيمتك لو لاحت بروقـي
مالت غصونٍ قوي الشوق يطرقهـا
والبعد لو طال ضيع جملة حقوقـي
واشعل فتايل غلاك اليـن يحرقهـا
مادام مشلح غـلا ترنيمتـك فوقـي
غرب مطايا صغر سنـك وشرقهـا
الصدر ممطور والزملوق زملوقـي
وزرايره لو شكـت مانيـب بانقهـا
____________
أبيات لا يمكن أن تقرأ كما تُقرأ غيرها _
( نص ) غاية في الإتقان / قافيته العسره خضعت لفكر شاعر محترف صاغها ليعيد تشكيلها ويصنع
من ( خامتها ) عقود من ذهب لتنساب أبياتها بسهولة وتحرّك أنظارنا ومشاعرنا معها ..
الغالي
زايد بن كروز
صح الله لسانك _____
___
فالح ...صح بدنك ..وسلم بنانك على كل ماكتبت
اسعدني مرورك ...لك الود