منتديات المرقاب الأدبية - عرض مشاركة واحدة

16-07-2007, 09:03 PM

بعد مر الفراق اللـي سنينـه أجدبـت بالقـاع
وانا احفر فالثرى عن عذر يقنع شرهة اوجاعي
تجيني بعد طول اغياب تسالني عـن الاوضـاع
تأمل في نحولي وانت تعرف وشهـي أوضاعـي
يمر من السنين اسنين واللي ضاع منها ضـاع
وانا طـول الليالـي مانـي بغافـي ولاواعـي
تموت الخطوة اللي للنوايـف ودهـا المطـلاع
وهي ياناعـي الامـوات ماتلقـى لهـا ناعـي
ولالمت الرسايل يوم طوعنـي زمـن ماطـاع
وهي تلهث على بابك وملـت وقفـت الساعـي
تدور في كفوفك عـن عـزا للخاطـر الملتـاع
ووصلك مثل غيمـه بالمطـر مابللـت قاعـي
ومن بكره وفي بكره وانا فـي حاجتـي طمـاع
وهي لـو انهـا بالجهـد ماقصـرت بذراعـي
لكن الحظ يـوم انـا تعبنـا والبطـون جيـاع
مجوعني ومشبع ناس من مدي ومـن صاعـي
لان القحط مايعرف وش اللي محـوج الـزراع
لانه لو عرف ماضاعت انصافـي ولا ارباعـي
فلو ان السفينـه روحـة فـي بحـرك الخـداع
على الريح الخطا يحسب ولايحسب على اشراعي
ولو ان المنادي يوم نادى أصغت الـه اسمـاع
ماكان الصمت صاير شي مـن فنـي وابداعـي
ولن تحيا المشاعر والليالـي كلبوهـا اوجـاع
بعد ماتت وهي حرجه مابين الذيـب والراعـي
لكن اسمع والك خطوه تودي والدروب اوسـاع
والك تبرير فاطباعك والـي تبريـر فاطباعـي
بعد طحنا وقمنا من غياب(ن)مجدب (ن)بالقـاع
انا معذور لو قلـت الـك جيـه مالهـا داعـي

صح لسانك يا فايز مدد و لا هنت
درة عانقت الوجدان بعذوبتها
لله درك و الله لا يضرك

أخوك/محمـــد ال عبـــدان