وإن دقّ هاجوس الشّعر والتعابيـر
تهاملـت شـردْ البيـوت إبغـزاره
وألاعب المسبـاح سجّـه وتفكيـر
وأشرب وألحّق بالزقـاره زقـاره
وإن هلّت إعيوني دمـوعٍ محاديـر
الدمـع تكفيـر إلخطـاي إنحـداره
فكّرت باللي صار واللي يبي إيصير
والمنتظر أيّـس وطـال إنتظـاره
ياللّـي غيابـك مايفسّـره تفسيـر
مدري غيابك صـدق وإلا عيـاره؟
ماعاد باقي من رصيـدك معاذيـر
وماكـلّ متعـذّر قبلـت إعتـذاره!
العلم؟وشقومك حصل فيك تغييـر؟
الظاهر إنّـك تالـي الحـبّ كـاره
مدري خطاي إن نيّتي نيّـة الخيـر
وإلا غبـا منّـي ومنّـك شطـاره
والا تبي تغييـري ورحـت للغيـر
وإخترت عقبي جعلها أمحق خياره!
أرجوك كان إن لي معزّه وتقديـر
لاتفـرح الحاسـد بـردّ إعتبـاره
قد قلت لك كلمـه تفـوق التّعابيـر
ولاعادنـي قايـل بعدْهـا عبـاره:
أنا إستخرت إمن الهوى والغناديـر
(إلا أنت ماظنّي معاك إستخـاره!)
المبدع بن عصيدان
صح الساااااااااااااااااااااااانك ملاااااايين وبيض الله وجهك
راااائعه من راااائع وجزله من شاعر جزل
امتعتنا بما سطرت
سجل اعجابي وتقبل تقديري
اخوك / متعب
|