قرايح الشعر لا هبّـت عليهـا الهبـوب
أمّا أنهكـت حيلهـا وإلاّ بـرت حالهـا
وأنا عليّ الهبوب تهبّ من كـل صـوب
ما قد قضت ليلة ٍ ما جيـت فـي بالهـا
ما كنّها إلاّ عليّـه مـن كبـار الذنـوب
تعدّنـي مـن هضـاب الارض وجبالهـا
وأن جيت أدوّر على متن السحابه ركوب
يردّنـي رعدهـا عـن بـارق خيالهـا
لكن على الهون واللي في ضميري تجوب
أحطّهـا مـن ضميـر ٍ حـيّ وأشتالهـا
مع ضيّقات الدروب ومع وساع الـدروب
قلبي على فاله .. وعيني علـى فالهـا
يا طيّب القلب يوم أنّـي فتشـت القلـوب
الرفقه الوافيـه يضـرب بـك أمثالهـا
كم صحبة ٍ لا أحتمت شمس القوايل تذوب
وصحبتك صم الصخر يكسر على جالهـا
المرجله تحت ظلك وأنت رجل محسـوب
وأكيـد مـا للمراجـل غيـر رجّالـهـا
يوم أنّها عند غيرك من نجـاح لرسـوب
عندك شهاداتها مـا عـاد يبغـى لهـا
جنابك السمح ما شفنا به اللـي يشـوب
منك المكـارم تبـثّ ونلقـط إرسالهـا
يا الغالي الوافي الشهم الكريم الرحـوب
شخصيّتـك فـي زمنّـا قلّـت أشكالهـا
سبحان من يلهمك عند اللـوازم تنـوب
حباك نفـسٍ كسبـت النـاس بخصالهـا
تحمل مزايا كثيـره يـا قليـل العيـوب
جمايلـك وأنـت راعيـهـا وجمّالـهـا
مثلك وشرواك يثّر في حيـاة الشعـوب
وأن قيل من قالها قـل صاحبـك قالهـا
يا ناصر الهاجري عسى فـداك الكـذوب
والله مـا أحـطّ المـدوح إلاّ بمنزالهـا
عز الله انك زعيـم مكمّليـن الوجـوب
ننشر لك البيض وانـت موثٌـق حبالهـا
تشهد لك أهل الشمال وتشهد أهل الجنوب
والكلمـه الصادقـه تذكـر وحنّـا لهـا
ماهو علشان يـوم أهديتنـي لاب تـوب
لو أنّ منك الهدايـا سعـد مـن نالهـا
إلاّ علشانها قامت فـي صـدري تجـوب
وأبديتهـا .. والخلايـق مالـي ومالهـا
عز الله انك مدحت وناصر يستاهل المدح
وعز الله انك صيقٍ وافي ومعدنك مايبور
|