[align=center]سود الايام

يقول الشاعر الفصيح
جزى الله الشدائد كل خير .. عرفت بها صديقي من عدوي
ولأن البيت استهواني كتبت على منواله

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الله يجزى سود الايام بالخير=عرفت منها صاحبي من عدوي
فيها انكشف ما كان للعين تزوير=توي عرفت الخل واعداي توي
كنت اعتقد بعض البشر طبعها غير=فيها وفا مهما اتجرا واسوي
حتى عطتني سود الايام تقرير=عن واحدٍ كنت أحسب إنه خويي
وقت السعه صوته كما دقة الزير=ضحكه على اتفه ما يضحّك مدوي
ضاري ومتعوّد على دهنة السير=لا احتجت له ما قام غير امتلوي
يصرف من بنوكه كثير المعاذير=وإن كان جت فزعه يبي له مقوي
هذاك لو جت به عليّ المقادير=طفيّت عن مثله مناوير ضوي
ببعد عن دروبه ومن دون تفكير=ماني معكّر لجل شرواه جوي
الله يجزى سود الايام بالخير=عرفت منها صاحبي من عدوي [/POEM]


محمد بن حمدان المالكي
23 / 7 / 1428هـ - الطائف